Dınyo Futbol çempionati bərpo beyro, İron Ğətəriku hiimoyədorəti kardeydə

İroni cıvonon və varzışi vəzir, de Asiya bəsketboli konfedrasiya Ğətərıjə rəisi vindemonədə, Miladi 2022 minnə sori dınyo futboli çempiyonati bərpo beyro, Ğətəriku himoyədorətiş kardə.

İroni cıvonon və varzışi vəzir, Sed Həmid Səccadi, de Asiya bəsketboli konfedrasiya Ğətərıjə rəis Şeyx Səud İbne Əli Əhməd Ale Sani vindemonədə, Miladi 2022 minnə sori dınyo futboli çempiyonat bərpo beyro, bə İroni himoyədorəti təkidış karde.

Bə İrna raporti əsos, zinə Tehronədə Sed Həmid Səccadi, de Asiya bəsketboli konfedrasiya Ğətərıjə rəis Şeyx Səud İbne Əli Əhməd Ale Sani və Asiya məntəğədə Fiba icraiyə mudir, Haqop Xaciriyan vindemonədə votışe: dınyo futboli çempiyonatədə, çəmə hamsuyə və dustə kişvər, Ğətəriro muvəffəğiyət urzo kardedəmon.

Səccadi əlovəş karde: bə Ğətəri kişvər səfəri cərəyonədə, de Ğətəri varzışi vəzir çokə iclos iyən vey çokə sıhbəton əncom bıə.

İroni cıvonon və varzışi vəzir həmçınin votışe: ğəror bıə ki dınyo futboli çempiyonatədə, 2 qılə kişvər de yande nezə həmkoətion icod bıdən.

Səccadi bə İroni kişvər iyən Asiya 18 sorətiku bə kam bıə mısobiğəon mizbonəti iyən Asiya bəsketbolə konfedrasiya xususi diğğətiku bə İron doeyku ğədrdonətiş kardə.

Asiya 18 sorətiku bə kam bıə mısobiğəon, ısət de Tehroni mizbonəti bərpo bey holədəy.