Qeneral Vahedi: İron, dronon istehsol mərhələku dəvardə.

İron İslam Respublika ərtışi həvoiyə ğıvvə kamandə votışe: əmə, dronon istehsol iyən soxtey mərhələku dəvardəmone və bə dronon əməliyotiyə strukturon istehsoli baxş varid bıəmon.

Çoşəmbə, İroni kişvəri şimol, cənub, ğərb və mərkəzədə de mudafiə mıştərəkə ğərorqoh iyən ərtışi 4 baxş hərbion iştiroki, 1401 minnə sori dron mıştərəkə manıvr bino bıə və ımruj bə oxo rəsə.

Həminə məmuriyətədə, İron İslam Respublika ərtışi zıney drononku kalion, manıvri bədiqə mərhələ təin bıə hədəfi məhv kardeyro zıney əməliyoti əncom bədan.

İroni kişvəri şimol, cənub, ğərb iyən mərkəzədə ım 2rujə manıvr de 150 qılə zıney iyən canqi dronon iştiroki əncom bey holədəy.

Bə İran Peres aqentiyəti raporti əsos, Miladi 1401 minnə sori dron mıştərəkə manıvri mərosimi kənoədə, İron İslam Respublika ərtışi həvoiyə ğıvvə kamandə votışe: 12 iyən 22 minnə kəmon dronon ki İroni vey erjinə drononku qıləyni  bə hisob omeydə, de İroni ərtışi həvoiyə sənaye baxşi koəkəyon vositə bə veyə istehsol rəsə.

Qeneral Vahedi ijən əlovəş karde: ım drononədə həmmə bumiyə canqi əbzaron əcumlə vey dəğığə rəketon iyən məntəğə bə məntəğə tıpımonon mıvcude ki həminə manıvrədə istifodə bıə.

İron İslam Respublika ərtışi həvoiyə ğıvvə kamandə ıştə sıhbəton idomədə votışe: ım manıvrədə əmə muvəffəğ bıəmon ki bə çəmə hədəfon bırəsəmon iyən ım manıvrədə ərtışi həvoiyə ğıvvə rol, vey muhimm be.

Qeneral Vəhidi həmçınin əlovəş karde: əmə bə hiç kişvər umidımon ni iyən nibəbe. İron İslam Respublika məntəğədə dronon cəhəto vey muhimmə kişvər bə hisob omeydə ki ım məsələ İron İslam Respublika ərtışi həvoiyə ğıvədə vilayəti sərbazon fəxr bə hisob omeydə.