İron İslam Respublika ərtışi dron mıştərəkə manıvrədə, vey tojə əməliyaton əncom bıə.

İron İslam Respublika ərtışi həvoiyə mudafiə sistemi komandir təkidış karde: İron İslam Respublika ərtışi dron mıştərəkə manıvrədə, vey tojə əməliyaton əncom bıə.

Dəvardə haftə, pencşəmbə rujədə (Avqustə manqi 25 minnə ruj) İron İslam Respublika ərtışi 1401 minnə sori dron mıştərəkə manıvri ruji oxo be.

Im manıvr, de İron İslam Respublika ərtışi 4 baxş hərbion, Xatəmol Ənbiya(s)-i həvoiyə mudafiə sistemi mıştərəkə ğərorqoh iştirok və Xatəmol Ənbiya(s)-i mərkəzi ğərorqoh nəzorət bərpo bıə.

Zıney, canqi və məhv kardey bumiyə muxtəlifə drononku istifodə kardey, dronon muxtəlifə əməliyoti icra kardey əcumlə ım manıvri vey muhimmə xusiyət be ki iştrokəkəyon səmtiku de veyə diğğət icra bıə.

İron İslam Respublika ərtışi həvoiyə mudafiə sistemi komandir Qeneral Əlirıza Səbahifərd ijən votışe: ərtışi 1401 minnə sori dron mıştərəkə manıvrədə, dronon vey tojə iyən oxonə əməliyaton muvəffəğə surətədə əncomışon do və ım manıvrədə təşəbbuson iyən əməliyaton əncom bıə ki dınyoədə vey mislış nıbıə əməliyatonku bə hisob omeydə.

Bə Tele-Rədio aqentiyəti raporti əsos, Ğom ostanədə və İron İslam Respublika ərtışi 565 şəhidi yol qətey 4 minnə mərosimədə Qeneral Səbahifərd əlovəş karde: İslamiyə İroni mudafiə ğudrət anədəy ki nizomi deşmənon karde zınəşon ni ki hətto bə İroni həmlə hani bıvindon.

İroni ərtışi həvoiyə mudafiə sistemi komandir ijən votışe: İroni ımrujnə iğtidor bə İroni cıvonon ciqəmandəti iyən fədokorəti xotoe.