ƏmirƏbdullahiyan: İron və Rusiyə əloğəon səhihə royədə ğərorış qətə.

İroni xarıci vəzir işorəş karde ki Tehron-Moskva rabitəon çokin və səhihə royədə ğərorış qətə iyən təkidış karde dəvardə zəmoniku vey muxtəlifə baxşonədə 2 qılə kişvəri əloğəon bə inkişoşf rosniyero mıştərəkə cəhdon zumand kardey lozime.

Zinə yəni çoşəmbə rujədə, İron İslam Respublika xarıci vəzir, bə Rusiyə xarıci vəziri dəvəti əsos və 2tərəfiyə rəsmi vindemoniro bə Moskva səfərış karde.

Bə İrna raporti əsos, İron İslam Respublika xarıci vəzir, Huseyn Əmirəbdullahiyan, Rusiyə xarıci vəzir Serqey Lavrofi vindemonədə, 2 qılə kişvəri ticari həmkoətion bə inkişof rosniye prossesiku ıştə rizoyəti elanış kardə iyən muşkilaton və maneon peqətey və həmkoətion dəvom doey, 2qılə kişvrəi miyono ticarəti miğdori zumand kardey zəminə icod bey zıneydə.

İroni xarıci vəzir həmçınin bə 2 qılə kişvəri reyls xətton həmkoəti zumand kardey təkidış karde iyən ım planon və nəğliyotədə həmkarionədə təcili tələbış karde.

ƏmiƏbdullahiyan həmçınin təsdiğış karde: Şimol-Cənub tranziti kridorədə həmkoətion bə inkişof rosniye, İron İslam Respublika vey muhim iyən iminnə koonin və mıştərəkə mığovilədə, Rəşt-Ostoro reylz xəttonro koon həm bəbe əncom bıbu.

İroni xarıci vəzir, moyəvonəti, mədəni, varzış iyən turizm baxşədə, Rusiyə təklifonku vey xoşhal bıə iyən iştə rizoyəti elanış kardə və həminə mıvzoon çı 2 qılə kişvəri çokə zərfiyətonku bə hisobış varde.

Im vindemonədə Rusiyə xarıci vəzir, Serqey Lavrof həm ticari və həmmə tərəfiyə rabitəon səthi bə inkişof rosniyeku ıştə rizoyəti elanış karde iyən votışe: 2 qılə kişvəri iğtisodi və ticari heyəton mıbodilə əlovə kardey iyən təvafuğon nəticədə, umidımone ki dəvardəyonku vey həmmə zəminəonədə həmkoətion bə inkişof rosniye şohid bıbəmon.

Lavrof, enerji, Moli və banki, nəğliyot və tranzit, reyls xətton, nat və qaz, kaştemon, moyəvonəti, turizm və varzışi mıvzoon əcumlə İron və Rusiyə həmkoətion baxşi vey muhimmə zəminəonku yodış kardə və əlovəş do: Rusiyə hozzoe ki ım zəminəonədə və 2 qılə kişvəri mənafe çərçivədə 2tərəfiyə həmkoətion zumand bıbun.

Rusiyə xarıci vəzir ıştə sıhbəton dəvomədə votışe : Rusiyə jıqo ki Şanxay həmkoəti təşkilatədə İroni komilə uzviyətiku himoyədorəti kardedə, Avrasiya iğtisodi ittifoğədə həm İroni uzv beyku himoyə bəkarde.