İron İslam Respublika ərtışi 83 minnə skadron iyən dıyo dızdon miyono dave.

İron İslam Respublika ərtışi dıyo ğıvvə umumi rabitəon nərkəz xəbəş do: zinə ərtışi 83 minnə skadron iyən dıyo dızdon miyono daveoni ozodə ovonədə icod bıə.

Bə İrna zinə ruji raporti əsos, bə ərtışi dıyo ğıvvon elami əsos, Babol Məndəbədə, qıləy şubhəynə ğayeğ de 12 nəfər silohinə şəxsi bə İroni ticari kəşti nez bıən ki de Skort kamandə huşinəti və Nedaca nomo bıə Cəmaran hətbi qəmi ğullə ğandey vositə diyəro bıən.

Dəvardə 1 manqi mıddətədə, Im 3minnə kərə bəbe ki Sıə dıyoədə İroni ərtışi 83 minnə flot iyən skadron və şubhəynə ğayeğon miyono jığonə daveon icod bıdə.

Şəmsi 1380 minnə soriku, Ədən dıyo iyən Babol Məndəb tanqəədə dıyo dızdiyəti məsələ ciddi bey xoto, İron İslam Respublika ərtışi dıyo ğıvvə, skadroni bənə canqi kəşti iyən  himoyəkə kəşti bə həminə məntəğəon vığandəşe.

Həmonənə zəmoniku təsə bə ısət, İron İslam Respublika ərtışi dıyo ğıvvə 1000 qıləku vey çı İron iyən ğeyre İronıjə kəştionku mıhozifə kardəşe və hətto bəzi vaxton de dıyo dızdon dave iyən canqış bıə ki dızdiyə bıə kəştion ozod bıbun.

Ozod bıə ovonədə İron İslam Respublika ərtışi dıyo ğıvvə iştirok iyən de dınyo kişvəron çand tərəfiyə manevron dəvoniye, dıyo baxşədə İron İslam respublika iğtidoriku nışonəy, iyən beynəlxalğə sulh və dıyo əmniyyəti təmin kardeyədə de co kişvəron təsirinə rabitəon əlomətdore.