İron İslam Respublika sərzəmin alimon prosniyə vırəy.

İroni xarıci vəzarətxonə sıxənəvot, İroni sivilizasiya coqrafiyaş, çı alimə jenon iyən mırdon prosniyə vırə zıneydə.

Imruj işəmbə, Miladi 2022 minnə sori Sentiyabrə manqi 4, elm və zıneyədə çand curnə şəxsiyəton iyən dınyo yolonku qıləyni, Əbureyhane Bironi yolqətey ruje.

Xarəzm kənoədə, Əbureyhan Muhəmməd İbne Əhməd Bironi bə dınyo omə. Əv Xarəzmədə ıştə jimoni iminnə soronədə bə elm umutey məşğul be. Əbureyhane Bironi Mazəndəran dıyo Cənub şərği Corcanədə Şəmsolməali Ğabos Veşmqir məhzərədə be və çəy məhzərədə və Hicri Şəmsi 390 minnə sorədə Ğabos nomo bıə kitobi nıvıştəşe. muxtəlifə milləton mərosimon və rujon Əbureyhane Bironi həminə erjinə kitobi mıvzoe.

Əbureyhane Bironi kitobon iyən nıvıştəon və torixi ənıvıştəon nəğlon nışoşon do ki əv çand curnə şəxsiyəton iyən dınyo yolonku qıləyni be.

Imsor, ım yolə alimi 1050 minnə sori moəku bıə sorəqardışe ki Miladi 2022-2023 minnə soron Yunesloədə yol qəteyon baxşədə ğeyd bıə.

Həminə cəhətədə və bə İRna raporti əsos, İroni xarıci vəzarətxonə sıxənəvot, Nasır Kənani Çafi İctimai virtulədə və ıştə şəxsiyə səhifədə nıvıştəşe: mədəni İroni sivilizasiya coqrafiya, veyə alimə jenon iyən mırdon vindəşe ki çəvon elmi, təşəbbuson iyən kəşfiyot əsəron, İroni-İslami mədəniyət və sivilizasiya qlobalizm kardə.

Kənani Çafi ijən əlovəş karde: əmə fəxr kardedəmon ki islami İroni cıvoni alimon de elmi və texnoloqiya çəşəçi muvəffəğiyəton vositə, İroni ozavziyə və bə inkişof rəsey iyən İroni-İslami tojə sivilizasiya icod kardey royədə ğədəm peqəəşone.