İslami: hədəfımon heste İron çı məntəğə atomiyə stansiyaon soxte mərkəz bıbu.

İroni atom enerji təşkilati yol təkidış karde: hədəfımon heste ki İron məntəğədə bənə atomiyə stansiya əsoxte mərkəz bıbu.

De Amerkə iyən çəy Avropa mıttəfiğon sanksiyaon vucud, İroni cıvonə alimon və mıtəxəssison muvəffəğ bıən atomiyə sazışi sənayeədə bə çəşəçi muvəffəğiyəton bırəsən.

Bə atomiyə enerji Təşkilati umumiyə məlumat ərosnə raporti əsos, İroni atomiyə enerji təşkilati rəis Muhəmməd İslami votışe: İroni atomi bərnoməonədə atomiyə stansiyaon istehsol ğərorış qətə və hədəfımon heste atomiyə ruşna istehsoli bə10 həzo meqabayt bırosnəmon.

İroni atomiyə enerji Təşkilati yol ijən əlovəş karde: tojə texnoloqiyaon karde bəzne kişvəriro bəromə icod ko.

İslami ijən votışe: kişvəri atomiyə sazışi iminnə stansiya təğribən 52 milyard killovatt elekteriki istehsoləş karde, ki 85 milyon barel ğınoətkorəti bois bıbu, yəni karde bəznımon de ım zəminədə əncom bıə investisiyaku 2 bərobər bəromə kəsb kəmon.