Mərəndi: Avropa Troyka çı Sıpiyə Kə siyosəton dumoədəy.

İroni atomiyə muzakirəkə kamanda mışovir bə Avrpoa Troyka (Almaniya, İnqilis və Fransə) bəyoniyə reaksiya nışoş do iyən ım kişvəron sıpiyə səray siyasəton tərəfdor zıneydə.

Zinə 3 qılə Avropa kişvər İnqilis, Fransə və Almaniya de mıştərəkə bəyoniyə vositə iddeoşon kardə ki İron ıştə muhimmə diplomatiya fırsətiku istifodəş kardə ni və be əsosə iddeo ğolibədə elanışon kardə ki İron bəştə atomiyə bərnomə hevujəti dəvomış do.

Zinə İroni atomiyə muzakirəkə kamanda mışovir, Muhəmməd Mərəndi de Livani Əlməyadin kanali votemonədə bəyonış karde: de ım vıcud ki İron İslam Respublika bə atomiyə sazışi təvafuğon pobənde və çəyku xarıc bıə ni, Avropa kişvəron bənə İnqilis, Almaniya və Fransə Sıpiyə səray siyasəton dumuədən.

Mərəndi əlovəş karde: İron vey çok zıneydə ki əqə vey mıhkəm iyən ğoymə təvafuğ nıbu, və ğərbi be əsosə  ittihamon bə oxo nirəsə, har təvafuğ məğlub bəbe.

İroni atomiyə muzakirəkə kamanda mışovir, ijən təsdiğıç karde: Avropa iyən Amerkə Troyka vey çok aqahin ki İroni atomiyə bərnomə vey solhomize iyən İron İslam Respublika ıştə həx-huğuği mudafiəro təvafuği dumoədəy.

Mərəndi ijən işorəş karde: İron karde zınəş ni bə Amerkə və Avropavıjon etemo kon ijən təsdiğış karde: İnqilis, Fransə və Almaniya bənə Amerkə mıttəfiğon be tərəf nin və bəpe çəvon təyin bıə təbliğaton vədə aqah bıbəmon.

İroni atomiyə muzakirəkə kamanda mışovir, ijən əlovəş karde: muzakirəon cərəyonədə qıləy Avropa rəsmi şəxs iddeoş kardə ki İroni tələbon bə həxi əsose əmmo de Amerkə vositə, təvafuği muzakirə imzo nibəbe və Amerkə tərəfon bəhonə vardedən.

Mərəndi ijən təkidış karde: atomiyə beynəlxalğə təşkilati yoli nəzə həm bə Avropa və Amerkə nəzəon əsose və çəvon vədə təslim bıən.