məntəğə sərhəddon vəziyəti əvəz bey tov nibəvardemon iyən çəy vədə sakit nibəmandımon.

İroni həmmə silohinə ğıvvon məkəzi ğərorqoh rəis təkidış karde: məntəğə sərhəddonədə əvəzon tov nibəvardımon iyən bə Erməniston və Azərbaycan Respublika tovsiyə bəkamon ki ıştə miyono bıə muşkilaton de sulhinə roon vositə həl bıkon.

Sentiyabrə manqi 12 iyən 13 minnə rujonədə, Erməniston iyən Azərbaycan Respublika  mıştərəkə marzonədə, 2 qılə kişvəri hərbiçiyon miyono şiddətinə daveon şoyid bimon.

Har 2 qılə kişvər, co kişvəri bə daveon bino kardey mıttəhəm kardən ım daveonədə Erməniston iyən Azərbaycan Respublika hərbiçiyonku çand nəfər kıştə iyən zəxmin bin.

Əmmo Erməniston,  Azərbaycan Respublika bə otəşbasti darşiye məhkumış karde.

Qeneral Muhəmməd Bağıri bə cariyə təhəvulaton ki Erməniston iyən Azərbaycan Respublika miyono cərəyonədəy, işorəş karde, iyən təkidış karde: bə canq iyən daveon təvvəsul ğəbul iyən çəy vədə sukut nibəkamon.

Bə İrna raporti əsos, Pencşəmbə ruj, Şəhrivərə manqi 31 minnə rujədə, silohinə ğıvvon parad mərosimədə, ki islamiyə inğilobi yolə təsisəkə, İmom Xomeyni(r)-i pokə hərəmi kənoədə muğəddəsə mudafiə haftə binobey həmzəman bərpo bıə, İroni həmmə silohinə ğıvvon məkəzi ğərorqoh rəis Qeneral Muhəmməd Bağıri işorəş karde: İroni kişvəri torixədə, muğəddəsə mudafiə, beynəlxalğə ğudrəti mıodiləon iyən həndəsə əvəz beyədə torix soxtey və rol ifo kardeyro İroni milləti tojə jimoni binoəkə bə hisob omeydə, əv ijən votışe: har çəxtə ki zəmon dəvardedə dəvardəku vey ım təsiron oşko bəbe.

İroni həmmə silohinə ğıvvon məkəzi ğərorqoh rəis ijən əlovəş karde: İroni milləti fəziləton iyən zumandətion nışo doeyro, muğəddəsə mudafiə qıləy səhnəy ki de deşmənon həmlə iyən beynəlxalğə istikbori himoyə vıcudi, ım əzizə millət həmişə səbarz bıə.

Qeneral Bağıri həmçınin de işorə bə ım ki İroni millət həmişə subitış karde sulhtələbə millətin votışe: İroni hərbi ğudrət, nı fəğət mudafiəro bəlkəm ımruj zəmin, həvo, dıyo iyən ayrokasmik və silohinə ğıvvon həmmə məmuriyətonədə, İron İslam Respublika zumandəti nışonəy.

İroni həmmə silohinə ğıvvon məkəzi ğərorqoh rəis  ijən təsdiğış karde: ım mudafiə ğudrət, stabiləti və kişvəri həmmə tərəfiyə bə inkişof rəsey bois bıə ki ım məsələ deşmənon muğabilədə, milləti hırdənon stabiləti və muğaviməti ğəhrəmonəti ğarzıxoim.

Qeneral Bağıri ijən votışe: Fars dıyo cənubi kişvəronku intizorımon heste ki sioniston xəbisə planon vədə mığət bıbun ijən votışe: sioniston iştirok, məntəğə əmniyyətiro problem icodəkəy, və de informasiya və kontrol kardey vositə, çəvon həmmə hərəkəton kontrol kardedəmnon, çən əqə qıləy təhdid hiss bıbu, həmzəman de sionist rejimi amilon və çəvon himoyəkəyon vədə mubarizə bəkamon.

İroni həmmə silohinə ğıvvon məkəzi ğərorqoh rəis ijən təsdiğış karde: Amerkə iyən sionist rejimi məntəğə əmniyyəti təhdidəkən, və umidımon heste vəomeyədə ım təhdidon məhv bıbun.