Rəyisi, İroni Yunan-Roma dəçıke kamanda ğəhrəmonəti təbrik votışe.
İron İslam Respublika prezident, qıləy mesaji ğolibədə, İspaniyaədə bıə beynəlxalğə mısobiğəonədə, İroni umidon Yunan Roma dəçıke kamanda ğəhrəmonəti bə İroni həmmə şərifə millət təbrik votışe.
Qıləy holədə ki Dəvardə dışəmbə rujiku İspaniyaədə dınyo 23 sorəti sinni jiədə bıə ğəhrəmonəti yunan Roma dəçıke riğabəton bino bıə be, zinə şəv de finali riğabəton bərpo bey bə oxo rəsə.
İroni 23 sori sinni jiədə Yunan Roma dəçıke kamanda de 3 qılə tılı medal, iyən 3 qılə bırınc muvəffəğ bıə ım riğabətonədə iminnə vırə kəsb kon iyən ğəhrəmon bıbu.
Im riğabətonədə , Puya Dadmərzi 55 kiloqerəmə vəzn, İman Muhəmmədi 63 kiloqerəmə vəzn iyən Sed Daniyal Sohrabi 67 kiloqerəmə vəznədə tılı medal iyən 72 kiloqerəmə vəznədə Əmir Əbdi, 130 kiloqerəmə vəznədə Əli Əkbər Yusefi və 97 kiloqerəmə vəznədə Əli Abedi Dərzi bırınci medal kəsbışon kardə.
Bə İrna raporti əsos, Ayətullah Sed İbrahim Rəyisi qıləy mesaji ğolibədə İspaniya beynəlxalğə mısobiğəonədə İroni umid Yunan Roma dəçıke kamanda ğəhrəmonəti təbrik votışe iyən nıvıştəşe: İroni umid umidi Yunan Roma dəçıke kamanda ğəhrəmonətihəmmə İronıjonro şo iyən iftixor xəlğış kadə.
Rəyisi ijən əlovəş karde: ım ğəhrəmonəti ki dəçıke iftixorinə varzışi baxşədə və de İroni cıvonə estedadon himmət bə dast omə, çəmə əzizə cıvonon irodə iyən zumandətionku nışonəy.
Sed İbrahim Rəyisi ıştə mesaji dəvomədə, İroni umid Yunan Roma dəçıke milli kamanda ko kardə kəson, murəbbi iyən varzışkoronku səmimi surətədə ğədrdonətiş kardə.
