Əsğər Fərhadi "Furuşənde"(həvatəkəs) nomo bə filmədə ijən Oskarış barde.

Oskarı 89 nə festivalədə xariciyə filmon dılədə həmməysə çokə film ironıjə hınə soyb Əsğər Fərhadi rejissorətiədə Furuşənde(həvatəkəs) nomo bıə film oskar nışonəş bə dast varde.

Bə İRNA ımrujnə xəbon əsosi 2017 minnə sori oskar nışonə  bə dast vardeyu Avstraliya məmləkətiku Tena nomo bıə film Almaniya məmləkətiku Toni ordmən nomo bıə film Danimark məmləkətiku  Mina sərzəmin nomo bıə film və İsveç məmləkətiku Ovoh nomo bıə merdi film  Əsğər Fərhadi  filmi rəğib bən.

ım Fərhadi iyən ironi kino 2 minnə oskare.

Fərhadi 2012 minnə sori həm Siminıku naderi co be nomo bıə filmədə muvəfəğ be oskar bə dast biyə.

Əsğər Fərhadi və Furuşənde nomo bıə filmi hınəsoybon bə muhacirəti zid Amerkə president Donald Trampı əmri  ıştə etirazi nışon doe xoto ım mərasimədə ki bə tehroni vaxti əsos ımruj sıb bərpo be iştirakışon nıkarde və 1 minnə  kosmikə ironıjə turist xanım Ənuşe Ənsari iyən Nasa nakonə mudirnku qıleni(ironıjə alim) Firuz Naderi bənə nımoyəndə oskar mərasimədə huzurışon hest bı.

Fərhadi bəyonotdə ki ım mərasimədə handə be  işarə bəy ki  bə İron və 6 qılə məmləkəti milləti be ehtıroməti xoto ki bə Amerkə daxil beyu muhaciron vəy qəte ğeyre insoniyə ğanoni xoto və bəvon be ehtıroməti qorə oskar mərasimədə iştirakım nıkarde.

Fərhadi bəyonoti hande oskar mərasimədə de iştirakkardəkəson mısbətə reaksiya dim bə dim bedə.