Tehronədə bıə İron və Çini komilə həmkoətion iclos
Imrujnə rujiku İron və Çini komilə həmkoətion iclos de İroni prezidenti iminnə muavin və Çini i minnə vəziri muavini iştiroki Tehronədə bino bıə.
Bə İrna raporti əsos, həminə iclosi əsli mehvər İron iyən Çini 25 sorə komilə həmkoətion bərnomə icra prossesi təğib kardey iyən əloğəon inkişofiro muzakirəon dəvom ğeyd bıə.
İroni prezidenti iminnə muavin Muhəmməd Muxber və Çini i minnə vəziri muavini Ho Çon Hova çi İron və Çini heyəton rəisəti bə ohdə peqətəşone.
Tojə soronədə İron iyən çin ıştə ələğəon 3 səthədə yəni siyosi-iğtisodi, əmniyəti-mudafiyə iyən jıopokotik-stratejic cəhəto inkişof doəşone ki 25 sorə komilə həmkoətion bərnomə plani imzo həminə əloğəon komiləkə muğəddəmə be.
In sənəd de 2 qılə kişvəri əməli əloğəon inkişofi hədəf ijən İron-Çin həmmə tərəfinə həmkoətion hevujəti cəhətədə kəşə iyən imzo bıə.
