Har ruj İronədə 3 milyon barel nat istehsol bəbe
İroni nati vəzir, har ruj İronədə təğribən 3 milyon barel nat istehsoliku xəbəş do.
Dınyo puli fond , Milodi 2022 minnə sorədə İroni 10 qılə iğtisodi yolə fanqsiya təğib kardey bəpeşt xəbəş do ki İroni iğtisodi ğeyri nat və nati baxş, 3 faiz, nati ixracat iyən istehsol və İroni cari hisobon balans 3 bərobər əlovə və həmçınin inflasiya dərəcə kam bıə.
Dəvardə soronədə həm de diğğət bə Amerkə sanksiyaon əlovə bey vucudi İroni qazi istehsol bəştə ko dəvomış doə.
Miladi 2021 minnə sorədə, har ruj İron təğribən 4.33 milyon barel nat iyən qaz istehsol kardə be və intizor bəbe ki Milodi 2022 minnə sorədə, har ruj ım mığdor təğribən bə 5 milyon barel əlovə peydo ko.
Zinə dıvləti heyəti iclosi kənoədə, İroni nati vəzir, Cəvad Oci votışe: nati istehsoli baxşədə bə har rujnə 3 milyon barel nati istehsoli royədə ğəror qətəmone.
Bə İran Peres aqentiyəti raporti əsos, sıbıkə nati istehsoli barədə, Oci votışe: de təşəbbuson əncom bey vucudi, har rujə zərfiyət bə 200 həzo barel əlovə bıə.
