Xətib: İroni milləti vəhdət, deşmoni zumandəti məhv kardə.

İroni kəşfiyot vəzir, ğovmon iyən məzhəbon İroni iftixoronku zıneydə iyən votışe: İslomiyə İronədə vəhdət, deşmonon vəhdəti məhv kardə.

Bə Tele-Rədio aqentiyəti raporti əsos, Zinə rujədə İroni kəşfiyot vəzir, Huccətul İslom Sed İsmail Xətib bə Ğərbi Azərbaycani ostan, Urumiyə şəhri ıştə səfəri cərəyonədə, işorəş karde ki inğilobi deşmonon həmişə cəhdışon kardə ki muxtəlifə ğovmon və milləti islomi nizomiku co kon, əlovəş karde: muxtəlifə ğovmonku milləti aqahəti iyən bəsirət və cəhdon, həmişə deşmonon nəhsə planon məhvış kardə.

Huccətul İslom Sed İsmail Xətib ijən kişvəri muxtəlifə məntəğəonədə bə İslomi nizmoni deşmonon oxonə fitnəon işorəş karde iyən deşmonon bə ıştə nəhsə hədəfon rəsey məğlubiyətiədə milləti aqahəti iyən huşinəti və bəzirət vey təsirin zıneydə. əv ijən votışe: de inğilobi, əmniyyəti və polisi hərbiçion aqahəti bə kişvəri muxtəlifə ostanon əmniyyəti aqardey şoyd hestimon.

İroni kəşfiyot vəzir ijən bəyonış karde ki deşmonon həmişə ictimai zərəl-ziyanon dıjd iyən çəvonku sui-istifodə kardey pidəşone. əv ijən təsdiğış karde: oxonə iğtişoşonədə deşmon de ğərbi mediyaon və məlumat sistemon koməki vositə, ıştə həmmə zumandətiku istifodəş kardə ta ım ki karde bəzne bə muğəddəsə nizom, zumandə İron iyən həmişə meydonədə bıə millət zərbə bıjəno ki bə şəhidon pokə xuni bərəkət iyən İnğilobi Yolə Rəhbəri həkimonə rəhbəriyəti və milləti muğavimət, co kərə deçmonon cəhd de məğlubiyəti dim bə dim bıə.

Huccətul İslom Sed İsmail Xətib ijən votışe: dıvlət de hamsuyə kişvəron ıştə rabitəon əlovə kardey, və dınyo iyən beynəlxalğə təvafuğnoməonədə əktivəti muvəffəğ bıə de dınyo və məntəğə kişvəron ıştə rabitəon əlovə ko.