De İslomiyə İnğilobi Yolə Rəhbəri iştiroki vositə, İmom Xomeyni(r)-i huseyniyədə, Həzrəte Fatimə Zəhra(s)-i əzodorəti mərosimi iminnə şəv bərpo bey.
İmom Xomeyni(r)-i huseyniyədə, de İslomiyə İnğilobi Yolə Rəhbəri iştiroki vositə, Həzrəte Fatimə Zəhra(s)-i əzodorəti iminnə şəvi mərosim bərpo bıə.
Bə İslomiyə İnğilobi Yolə Rəhbəri dəftəri məlumatərosnə mərkəzi raporti əsos, Həzrəte Fatimə Zəhra(s)-i əzodorəti iminnə şəvi mərosimədə, Kərimə Ğıroni beynəlxalğə ğari, Huseyn Fərdi, məcidə ğıroniku çadn qılə ayəon ğeraətış kardə və peşo Huccətul İslom Seddiği nıtğış kardə.
Həmçınin ım mərosimədə Muhəmməd Rıza Taheri Seddiğe Kobra sitoyeş iyən mədhədə məddohiş kardə.
Imsor de diğğət bə koronavirusi kam bey iyən eyni holədə səhiyyəvi protokolon iyən prinsipon rioyəti dəvomi zərrurət, İmom Xomeyni(r)-i huseyniyədə əzodorəti mərosim de əzodoronku çand nəfər məhdudə kəson əcumlə şəhidon ailə bərpo bəbe.
Şeşəmbə Milodi 2022 minnə sori Dekabrə manqi 27 minnə rujədə yəni Hicri Ğəməri 1444 minnə sori Cəmadiolsani 3minnə ruj, de Həzrəte Muhəmməd(s)-i qiromiyə kinə və dınyo şiəyon iminnə İmom Həzrəte Əli(ə)-i hyot həmro, Həzrəte Zəhra(s)-i şəhodətə ruji sorəqardışi bərobəre.
