Sepah kəşfiyot Təşkiloti muavin: deşmıni hərəkəton, kəşfiyot ğıvvon manitorinqi jintonədəy

İslomiyə inğilobi Sepah kəşfiyot Təşkiloti muavin təkidış karde: deşmıni hərəkəton, İron İslom Respublika kəşfiyot ğıvvon manitorinqi jintonədəy.

İslomiyə İnğilobi Sepah Təşkiloti kəşfiyot hərbiçion iyən silohinə ğıvvon co qılə baxşon kişvərədə terroristiyə qrupon hərəkəton diyə iyən mığubilə kardeyədə çəşəçi muvəffəğiyətış be.

Bə Tele-Rədio aqentiyəti raporti əsos, İmom Huseyn(ə)-i universitiədə şəhid Həsən Bağıri şəhodəti sorəqardış iyən İslomiyə inğilobi Sepah təşkiloti kəşfiyoti şəhidon sorəqardışi mərosimədə,  Sepah kəşfiyot Təşkiloti muavin qeneral Muhəmməd Tolai votışe: İron İslom Respublika kəşfiyoti iyən əməliyotiyə ğıvvon tijə çəşon həmişə deşmonon diyə kardey holədəy.

Qeneral Tolai ijən əlovəş karde: deşmonon xəbisə planon məğlubiyətonku veyə baxşon bə məlumaton xotoe  ki İroni əmniyyəti hərbiçion ixtiyorədəy.

Sepah kəşfiyot Təşkiloti muavin həmçınin votışe: dəvardə soronədə cəsusoni ki dastqir bıən, İroni əməliyot iyən kəşfiyoti ğıvvon əhotə nışonəy.