İronədə S-300 rəket mudafiyə system de muvəfəğiyyəti imtivoniku dəvarde.
S-300 nomo bıə həvo mudafiyə system ironi mərkəziyə daştədə imtivoniku dəvarde və təşkil bə əməliyatədə ironi coqlə həvo mudafiyə sistemon kənoədə ğərorış qəte.
S-300 mudafiyə sistemi imtivoniku dəvone əməliyat ki zinə ım sistemi fəaliyyəti muşahidə kardeyu əccum be çanqılə rəket əcumlədə Balestik rəket və bepilotə təyyarəon arəku şedən.
ironi hərbiyə ğıvvə Xatəmulənbiya nomo bıə həvoiyə ğərorqo fərmondə qeneral mayor Fərzad İsmaili zinə de telerədyo aqentəti təşkil doə votımonədə elanış karde S-300 system ironi həx be və ım həxımon bə dast varde və ıştə sıxanon dəvomədə əlavəş karde S-300 mudafiyə system ironi coqlə zumandə sistemon əcumlədə "Sersad və Təlaş" nomo bıə sistemon kənoədə ğərorış qəte ta ironi osmon ləhzə bə ləhzə əmn və zuman bıbo.
qeneral mayor İsmaili votışe:deşmeni nısiyə sıxanon cəvobi meydonədə bədomon və əlavəş karde ironıjə mutəxəssison bə təhdidon və əməliyatiyə planon əsosi ım mudafiyə sistemışon imtivoniku dəvoniyəşone və heçkəs S-300 sistemi əməliyati kardeku aqahətiş ni.
ironi hərbiyə ğıvvon Xatəmulənbiya həvoiyə ğərorqo fərmondə həmçinin votışe:S-300 kamilən ironiyə system həm de 373 Bavər nomo bı nezə rujonədə imtivon bəbe.
ironi silahlinə ğıvvon Xatəmulənbiya nomo bıə həvoiyə ğərorqo fərmondə votışe:ironi S-300 system kamilən bomi və çəy texnoloqiya orosə S-300 sistemiku can ğədəm bə nav heste.
