Muğavimət filmi 17 minnə dıvrə festival bino bıə
İroni cənub Buşehrədə muğavimət filmi 17 minnə dıvrə festival ıştə koş bino karde.
Bə İrna aqentiyəti raporti əsos, həminə festival de İroni Sepah təşkiloti fərmondə canışin Qeneral Əli Fədəvi iştiroki Fars dıyo ovonə sahilədə bino bıə.
Dınyo 50 qılə kişvəronku həminə festivali cərəyonədə iyən 31 qılə ostan və 354 qılə vırədə nımoyeş doe bıdə.
In Festivali əsli baxş yəni Şəhid Suleymani hissədə 674 qılə əsər iyən "rəvayəti nəsl" nomo baxşədə ki kırtə filmon barədəy 291 qılə əsər nəmayeş doe bəbe.
Bə Muğaddəsə mudafiyə baxşi 352 iyən bə Fələstin hissədə həm 149 qılə əsəri vığandəşone.
400 qılə filmnomə ya həmonə senari və 200 qılə məğalə həm bə ın dıvrə Festivali vığandə bıə.
Ğeyd kardənine ki 300 qılə ğeyri İronıjə rijestor bə Muğavimət filmi 17 minnə dıvrə festivali əsər vığandəşone.
