Ğasımi: bə ironi zid Səudiyyə Ərəbıstoni planon çın məmləkəti daxiliyə problemon nəticəy

İroni xarici koon vəzorətxonə sıxanəvoti votışe: ironiku bə kəno fars deyo məmləkəton itifaği təşkil doe məsləhət və islamiyə həmkarəti təşkilatiku islamiyə respublika bə kəno noe Səudi Ərəbıstoni daxiliyə problemonku iborətış zınə.

İroni xarici koon vəzorətxonə sıxanəvot Bəhram Ğasımi zinə daxili iyən xariciyə jurnaliston ha haftə təşkil bə qırdbemonədə votışe: Səudi Ərəbıston lozim bə miğdarədə məntiğiyə rəftorış ni və ıştə sıxanon dəvomədə əlavəş karde səudion səhvə roədən və məntəğə nakonə diktatoron çı roku dəvardən.

Ğasımi həmçinin ommidvar mande islamiyə həmkariyə təşkilat  təfriğə icod karde iyən islam dınyoədə nifrət və coəti eğande əvəzi bəştə əsosə roli diğğət bıdə çunki islamiyə məmləkəton vədə ıştə əməlon cəvobi bəpe bıdə.

Ğasımi  Suriyə koonədə İ bə milləton təşkilati məxsusə nımoyəndə Stefan Di Mistora plani həxədə ki bə ım məmləkəti baxş bə baxş be bois bəbe işarəş karde və votışe: ım planon qıləy muvəğğətiyə məsləhəte  və heç qılə çı planonku Suriyə siyasi iyən canqiyə meydonədə saxtə şərayeton xoto bə nəticə ərəs ni.

Ğasımi de Nato həmkarəti kardeyu Kuveytı məmləkəti hozzı mande cəhətdə qıləy jurnalisti cəvobədə işarəş karde məntəğə əmniyyət və oroməti fəğət məntəğə məmləkəton həmkarətiədə icod bəbe və məntəğədə ğəribəon huzur heç vaxti zınəş ni problemon həl karde.

ironi xarici koon vəzorətxonə sıxanəvot ironi atom məsələ həl kardey mıştərəkə bərnaməon təşkil kardeyu imza bə təvafiği vədə Amerkə tojə vıjniyə bə president iyən çəy məsləhətçion siyasəton barədə votışe: iron har qılə ro vədə mandeyu hozzıy və əqər his bıkə amerkəvıjə tərəf pidəşe noə bə ğəroliku bə kəno coqılə hərəkət əncum bıdə lozim bə koon əncom bədoy.