Qeneral Tənqsiri: kanalon əmniyyəti stabiləti oqəteyro cəhd kardedəmon

İslomi İnğilobi Sepah Təşkiloti dıyo ğıvvə komandir təkidış kardə: iğtisodi və ticori kanalon əmniyyəti stabiləti oqəteyro vey cəhd kardedəmon.

İslomi İnğilobi Sepah Təşkiloti dıyo ğıvvə komandir Admiral Əlirıza Tənqsiri votışe: ticori və iğtisodi kanalon əmniyyəti stabiləti oqəteyro, de 24 saati surət, və de Ərtışi dıyo ğıvvə təsirinə həmkoəti vositə, dıyo iyən diyəro bıə ovonədə, ticori və nat kırniyəon və səyadəti jiədə bıə ovon şe-omeyku mıhofizə kardedəmon.

Bə Sepah dıyo ğıvvə umumiyə rabitəon raporti əsos, Admiral Tənqsiri əlovəş karde: istehsoli hevujətiro, lozimə qarantiyaonku qıləyni istehsoli zəncirə əmniyyəti təmin kardey və ticori və iğtisodi mıbodiləon əncom doeye ki Sepah dıyo ğıvvədə bə ım vırə rəsey dumoədəmon.

Bə Admiral Tənqsiri vote əsos: 1402 minnə sori şuari barədə İslomi İnğilobi loyiğ və tədbirinə hərəkət qıləy vey muhimmə stratejikə be, yəni inflasiya vəy qətey və istehsoli inkişofi şuar.