Mayə manqi 24, İroni zayiron təməttu həcci pəremon bino bəbe

İron İslom Respublika təyyorəon təşkiloti sıxənəvot xəbəş do: Milodi 2023 minnə sori Mayə manqi 24 minnə rujədə, bə vəhy sərzəminon, Təmətoe həcc, İroni zayiron vığandey bino bəbe.

Bə İran Peres aqentiyəti raporti əsos, İron İslom Respublika təyyorə təşkiloti (Homa) sıxənəvot Hesam Ğorbanəli bə təmətoe həcci İroni zayiron vığande brədə votışe: 89 həzo zayir vığandey İroniku proqonoz bıə.

İron İslom Respublika təyyorəon təşkiloti sıxənəvot ijən əlovəş kardə: de 387 pərre vositə, bə həcce təmətoe şe-omey, zayiron vığandey əməliyot plan kəşə bəbe.

Bə Ğorbanəli votey əsos, 11 qılə təyyorə, zayiron ovoştoniye cəhəto hozzoin və ticori, muhəndesi, təmirat və co baxşon təşkilaton, de makzimum cəhdon hacion ovoştoniyero xıdməton vey çok və əmniro hozzoin.