Suriyə sınni alimon de Rəisi vindımon kardışone

İron İslam Respublika prezident de Suriyə i dastə sınni alimon səmimonə vindımonış kardə.

Bə İrib raporti əsos, İroni prezident Sey İbromim Rəisi ki de Suriyə Prezident Bəşar Əsədi rəsmi dəvəti bə ın kişvər səfərış kardə zinə de Suriyə sınni alimon səmimonə vindımonış be və de muxtəlif məsələon xususi həğiğəton təbiin iyən dışmenon xəbisə hədəf-palnon oşko kardey zərurəti barədə sıhbətış kardə.

İron iyən Suriyə miyono stratejik əloğəon muxtəlif baxşonədə məxsusən Suriyə behroni mıddətədə Bəşar Əsədi dıvlətiku himoyədorəti kardeyro və de terrorizm mubarizə barde zəmonədə sobut bıə.

İŞİD-i məğlubiyəti bəpeçt ısət 2 qılə kişvəri miyono həmkoətion anədə ranqin bıə ki talero vey ruşinə şərayeti nəzərdəqəte bəbe.