İroni przident: İron və Rusiyə rabitəonədə, Rəşt-Ostoro osonə roy mığovilə, qıləy stratejikə qəme

İron İslom Respublika prezident votışe: Rəşt-Ostoro osınə roy mığuvilə imzo kardey, İron və Rusiyə miyono həmkoətion cəhətədə, stratejik iyən vey muhimmə qəm bə hisob omeydə.

Seyd İbreym Rəyisi Rəşt-Ostoro soxtey mığovilə imzo kardey mərosimədə ki de virtual surət və de Rusiyə prezidet, Veladimier Putini iştirok bərpo bıə, İron İslom Respublika prezident əlovəş kardə: muxtəlifə baxşonədə İron və Rusiyə həmkoətion mucude və Rəşt-Ostoro osınə roy muğavilə imzo bey həm ım həmkoətionku qıləy nışonəy.

İroni İslomi Respublika Prezident votışe: Rəşt-Ostoro osonə roy mığuvilə imzo kardey, bə İron və Rusiyə həmkoəti məhdud ni, əv ijən bəyonış kardə: şimol-cənub reylz dəvardə royədə, kişvəroni ki ğəror qətışone, çəyku manfe kəsb kardedən, əv ijən votışe 6şimol-cənub koridor, məntəğə həmmə kişvəronro vey çok bəbe boçi ki ım roy şərği və cənubi  Asiyaku tosə Avropa şimol və Ğəfğaz və həmmə kişvəron miyono, dusti, inteqrasiya və ticori və iğtisodi həmkoətiku qıləy nışonə bəbe və dəvardəku vey ım həmkoətion bərğəror bəbe.

Rusiyə prezident həm bə Rəşt-Ostoro reyls xətti əhəmiyyəti işorəş kardə və votışe: ım roy qıləy fırsət icodış kardə ki nəğliyot qlobal roon təhəvolin bıbun və tranzit baxşi zərfiyəti zumandətiro rəğabəti siyosəti bois bıbu.

Putin əlovəş kardə: şimol-cənub koridor İron və Farsi dıyo kişvəron xorək əmniyyəti təmin kardeyədə, vey təsirinə səhmış heste.

Rusiyə prezident ıştə umudovəti nışoş do ki de ım roy icod bey vositə, Farsi dıyo ətrof və Kaspi baxşədə bıə kişvəron miyono kare bıznəmon,  xorək maddon və co qılə məhsulon mıbudilə kəmon.

Bə İrna raporti əsos, İron və Rusiyə şimol-cənub reyls roon komil kardeyro ki Asiya cənub bə Avropa şimol dəçokney bois bəbe, Rəşt-Ostoro osonə roy muğavilə imzoşon kardə.