Pars Today

İslomi İnğilobi Yolə Rəhbər de bə İslomi şura parlamenti təşkiloti vırə və əzəməti hormət noey, parlamenti ğanun noey məğomi, çəy kontrol iyən nəzorət kardey məğomi sə vey barz iyən muhimm bə hisobış varde.

Çoşəmbə İslomi İnğilobi Yolə Rəhbər Həzrəte Ayətullah Xamenei İroni İslomi şura parlamenti 11 minnə dıvrə nımoyəndəon vindemonədə, cəmədə iyən kulli nəzəku ım parlamenti, qıləy cıvon, inğilobi və əktivə parlament və kişvəri problemon peqəteyro vey çokə ğanunon təsdiğəkə məclis zınəş be və de ğanun noey zərurəti əcumlə " həyəconiku təsir nıpeqəte iyən partiya mulahizəonku bəkəno bey" təbyin kardey hamiyəşe: parlamenti fəaliyəti oxonə sorədə vey yolə koon bənə inkişofi 7 minnə bərnomə təğib və çəy ğanuni təsdiğ kardey, sori şuar yəni inflasya vəy qətey və istehsoli inkişofi bə vırə rosniyero lozimə ğanunon noey iyən nimə planon və loyhəon bə vırə rosniyey, de ciddi cəhdon sə kənən.

Həzrəte Ayətullah Xamenei har ğanuni noeyədə bə kulli siyosəton komil surəti diğğət kardey vey zəruri zınəşe və hamiyəşe: ğanuni de səlomət, pokəti və Xıdo rizoyət iyən səbarzətiro bınıvıştən ki ehanə jığo bıbu, be şək bərəkət hosil bəbe.

İslomi İnğilobi Yolə Rəhbər kişvəri problemon zıney və çəvonro ğanun noey, çı 11 minnə dıvrə məclesi xusiyətonku zınəş be iyən əlovəş kardə: de Fəsod mobarizə bardey, be ədoləti iyən monopoliyaon peqətey və ko muhit iyən şəroyeti çok kardeyro vey ğanunon ğoym və oşkor surəti təsdiğ bıən.

Həzrəte Ayətullah Xamenei çı ısətnə parlamenti kali ğanunon stratejik zınəş be və hamiyəşe: sanksiyaon peqəteyro stratejikə hərəkəti ğanun vey əsosi iyən muhimmə ğanun be ki atomiyə məsələdə kişvəri sərqərdonəti iyən kom ko əncom doey holətiku nicotış do ki çəy icro bey nəticə hətto beynəlxalğ səthədə həm mışohidə bıdə.

Həzrəte Ayətullah Xamenei çı səhihə metod və diyə soyb be, bə təxmini diyə, mıkəmil bey və nizomi bənə i qılə məcmuə vindey sayədə zınəşe və əlovəş karde: devlət və parlamenti rəftoron iyən fəaliyəton şivə bəpe həmkoəti və inkişofi əlovə kardey cəhəto bıbu.

İslomi İnğilobi Yolə Rəhbər ıştə sıxənon əvvələdə bə Xordadə manqi 3minnə ruj yəni Xorrəmşəhri ozod bey sorəqarışi xoto, ım bənə mucizə bıə ğəhrəmonəti bə İroni yolə milləti təbrik votışe və bə həmmə tovsiyəş kardə ki Beytul Muğəddəs əməliyoti barədə kitoboni ki nıvıştə bıə bıhandon, əv ijən hamiyəşe: ım yol və əzəmətinə səbarzətiku vey muhimmə məsələ, təşəbbuson, universitionədə təlimiro ın canqi şivə umute zərfiyət, fidokorətion, bəşəri tov iyən zuku xaric bıə isor, ali məğomə şəhidon iyən cərəyonon və coqılə həğiğətonin ki ım mislış nıbıə əməliyotədə icod bıə ki bəpe çəvonku bəpe nıdəvardəmon yaxot çəy kam ranq iyən yodikubeşey icozə mədəmon.