Ğədire Xumi mıborəkə İdə rujədə İronıjon şoə mərosimon bərpo kardışone

Zinə Hicri Ğəməri 1444 minnə sori Zil-Həccə manqi 18 iyən Milodi 2023 minnə sori İyunə manqi 7 Mısılmonon vey yolə idonku qıləyni Ğədir Xumi bərəkətinə idə ruj be.

Ğədir Xum Məkkə iyən Mədinə miyono bıə qıləy məntəğəy ki İslami Peyğumbər(s) Həccətul-Vidaədə(ıştə əzizə umri oxonə Həccədə) dıyo şiəyon i minnə İmom, Həzrət Əli(ə)-i ıştəku bəpeş bənə İslamiyə umməti Vəli elanış kardə.