İsveçədə bıə Kərimə Ğıroni təhğir kardey bardə İroni Yolə Rəhbəri mesaj

İroni Yolə Rəhbər İsveşədə bıə Kərimə Ğıroni təhğir kardey qıləy tel, de plani bə ico bıə xətərnokə koy zınəşone və təkildış karde: həminə cinoyəti amilon de şiddəti cəzo doe kollektiv surəti İslom dınyo alimon tərəfo tələb bıdə.

İsveçədə bıə Kərimə Ğıroni təjğir kardey bəpeşt Həzrət Ayətullah Xamenei qıləy mesaji ğolibədə təkidış karde: İsvıçi dıvlət bəpe bəpe ın cinoyəti amilon islomi kişvəron məhkəməon ixtiyorədə ğəror bıdə.

Mesaji dəvomədə ğeyd bıə: İsveçi dıvlət bəpe aqah bıbu ki de cinoyətkoriku himoyəon, islom dınyo vədə canqi səhnəon icod kardedə iyən mısılmonə milləton və vey dıvləton dışmənəti iyən nifrəti bəştə tərəf cəlb kardedə.

Həzrət Ayətullah Xamenei hamiyəşe: İsveç dıvləti məsuliyət ıme ki həminə cinoyəti amili bə islomi kişvəron məhkəmə təhvil bıdə.

İroni Yolə Rəhbər təkidış karde: səhnə və macərə peştədə bıə kəson həm aqah bıbun ki Kərimə Ğıroni hurmət və əzəmət har ruj vey iyən çəy hidoyət nuron vey ruşin bəbe və bənə ın macəra amilon iyən xəbiskoron çı nuri vəyqəteyro vey xar iyən həğirin.

İyuli 20 Pencşəmbə rujədə, və dəvardə haftəon mıddətədə 2minnə kərəro qıləy İraği-İsveçi şahrvandi ki çəy nom Selvan Momika be, de İsveçi plosi himoyə bə kərimə Ğıroni be ehtıromətiş kardə. qıləy be ehtıroməti ki həmmə mısılmonə kişvəron reaksiya bə ico be. islomi kişvəron bə Kərimə Ğıroni be ehtıroməti kardey məhkum kardışone iyən ım kişvəronədə İsveç diplomatiya nımoyəndəti rəyison və səfiron vanqışon kardə. İron İslom Respublika həm İsveçi səfiri bə xarıci vəzorətxonə vanq və elanış kardə ki de diğğət bə Tehronədə İsveçi məmuriyəti sə bey və  bə İron İslom Respublika prezdenti əmri əsos tosə zəmoni ki İsveçi devlət osmoni kitob və Kərimə Ğıroni horməti oqəteyro təsirinə hərəkət əncom doəş ni və de ə şəxsi ciddiyə rəftor əncom doəş ni, İsveçi tojə səfir ğəbul nibəkamon.