Bə Asiya ğərb kişvəron, İroni ixracati əlovə bey

İroni ticori inkişofi təşkiloti Asiya ğərbi yol votışe: Hicri Şəmsi 1401 minnə sori 4 manqi əvvələdə, bə Asiya ğərb kişvəron, İroni ixracat dəvardə sori muğaisədə, əlovə peydoş kardə.

Bə İrna raporti əsos, İroni ticori inkişofi təşkiloti Asiya ğərbi yol Fərzad Piltən, Hicri Şəmsi 1401 minnə sori 4 manqi əvvələdə, bə Asiya ğərb kişvəron, İroni ixracati barədə votışe: Asiya ğərbi ətrofədə bıə kişvəron əcumlə Fars dıyo ətrofədə bıə kişvəron, Suriyə, Livan, İordaniya və Tırkiyə kişvəron şomil bəbe, bə İroni qomroki muntəşir bıə statestikaon əsos, Hicri Şəmsi 1402 minnə sori 4 manqi iminnədə bə ım kişvəron İroni ixracat təğribən 20 milyono 850 həzo ton be ki ım miğdoe erji cəhəto, 7 milyardo 230 milyon dollar be.

İroni ticori inkişofinə təşkiloti Asiya ğərbi yol ijən əlovəş kardə: bə həminə əsos, bə Asiya ğərbi baxşədə bıə kişvəron ixracat, dəvardə sori muğaisədə, erji cəhəto təğribən 3 milyon dollar iyən vəzni cəhəto 3 milyono 800 həzo ton əlovə bey nışoş do.

Piltən ijən dəvomış do: kişvəri ixracati miğdorədə və səhmi cəhəto həm bə ım kişvəron İroni ixracat, təğribən 45.4 fayiz be ki Hicri Şəmsi 1401 minnə sori muğaisədə təğribən de 4.4 fayiz əlovə bey  bə ico be.

İroni ticori inkişofinə təşkiloti Asiya ğərbi yol ijən təsdiğış kardə: ım kişvəron miyonədə və Çini bəpeşt, İrağ, Tırkiyə və İ Bıə Ərəb Əmirəti kişvəri ixracati 2 tosə 4 minnə məğsədon be.