De şiəyon 11-nə İmomi milod ruji mınosibəti təbrik.
Imruj Hicri Ğəməri 1445 minnə sori, Rəbiussani manqi 8-nə ruj və Milodi 2023 minnə sori Oktiyabrə manqi 24 minnə ruj və de vəədə doə yeqanə xilosəkə(əc) mıjdəvoni elanəkə, İmom Həsəne Əskəri(ə) milad ruji ğeydiyat bərobəre.
Həzrəte İmom Həsən Askəri(ə) Hicri Ğəməri 232-nə sori Rəbiussani manqi 8 Mədinədə bə dınyo omə.
Ə Həzrət de şiə əndişə-fikon rəvoc doe dinədə bıə şək-şobhəon məhvış karde iyən islam dini oqəte və inkişofədə vey cəhdış be ta meydon bo Həzrəte Ağa İmom Zəmon(əc) ğəybətiro hozzo bıbu.
Şiəyon 11-nə İmom kərim ğıroni təfsir əkə be və ıştə İmoməti Əsrədə çok ım osmoniyə kitobi təfsir karde barde təlimon bə cəmaət yodış do ijən bəvon mıjdəş do ki Munci zuhuri bəpeştə islam dini vey aliyə erjon bəji bəbe.
İmom Həsən Askəri ıştə hırdənti devronədə şiəyon 10-nə imomi elmi və mənəviyə çəşməku istifodəş ka ijən 22 sorti sinədə İmom Hadi(ə) şəhodəti bəpeştə bo 6 sori mıddət(yəni detosə şəhodəti faxti) imomət və viloyət məğomi bə ohdəş qətə.
Qıle holədə ki Şiəyon 11-nə imomi jimoni zəmonədə Əbbasi hakimonku Motəz, Mohtədi və Motəmed həm hejo bəştə zulm və sitəmon dəvom dodə bin əmmo ə Həzrət çandə məhdudiyəton jentonədə de çok və səhihə təlimon bə mısılmonon oğoəti və vəhdət əlovəş kardə.
De həminə idə ruji həmzəmon, zinə şəviku İroni muxtəlifə vırəon əcumlə Ğomədə şoə mərasimon de muxtəlifə cəmaəton huzuri Kərime Əhli Beyt(s), Xanım Həzrəte Məsomə(s) hərəmədə bərpo be.
İjən İroni Rəşt şəhri Tolışi Rədio tərəfiku ımrujnə ruji bə şımə təbrik ərz kardedəmon.
