İslomi İnğilobi Yolə Rəhbər: məntəğə tojə siyosi coqrafiya koordinaton, bə muğaviməti qrupon mehvəriyəti əsose

İslomi İnğilobi Yllə Rəhbər de bəyon ım ki "qlobal muğaviməti qrupon icod bey" barədə İmom Xomeyni(r)-i mıjdəvonəti, ımruj məntəğədə bə vırə rəsəşe ijən təsdiğış kardə: muğaviməti qrupon, məntəğə sərnıvışti əvəz kardey holədən ki çəy nımunəonku qıləyni, Ələğsa Tufani əməliyote.

Bə Yolə Rəhbəri Məlumatərosnə mərkəzi raporti əsos, ımruj Çoşəmbə Həzrəte Ayətullah Xamenei çand həzo İroni həmmə bəsicion vindemonədə Livan, İrağ, Suriyə və Fələstini kişvəronədə Asiya ğərbi siyosi coqrafiya xəritə əvəz kardeyro, bə Amerkə məğlubiyəti plani işorəş kardə.

Həzrəte Ayətullah Xamenei Asiya ğərbi tojə plan və icod bıey holədə plani xusiyəton bəyonış kardə və hamyəşe: tojə Asiya ğərbi iminnə xusiyət, bə məntəğə Amerkə sultə ğəbul nıkardeye ki hlbətə ım bə ım məenoe ki de Amerkə kişvəron siyosi rabitəon ğət kardey ni bəlkəm bə ım məenoe ki Amerkə siyosi sultə və ğudrət məhv kardeye və jəğo ki vindeydəmon kali kişvəron 100 faiz de Amerkə muxalif bey holədən.

Ə Həzrəte, sionist rejimi zumand kardey və de ım rejim rabitə bərğəror kardey co qılə kişvəron təşviğ kadey, məntəğə sultəro əcumlə Amerkə nez və diyəro bıə soron hərəkətonku zınəşe və əlovəş kardə: məntəğəku Amerkə ğəbul nıkardey qıləy oşkoə nışonə Ələğsa Tufani nığılə torix soxtə hodisəe ki əqə çı bə sionist rejimi ələyh be əmmo Amerkə botil kardey ya Amerkə ğəbul nıkardey cəhətədəy boçi ki məntəğədə Amerkə siyosəton siyohə xərobış kardə və dəy dəvomi vositə məntəğədə Amerkə siyosəton siyohə həm məhv bəbe.

Məntəğədə icbor bıə və pesixi 2curnə məsələon xərob bıey tojə Asiya ğərbi co qılə xusiyəte ki inğilobi Yolə Rəhbər bəy işorə kardey bpeşt, hamyəşe: şiə və sınni, ərəb və ğeyri ərəbi 2curnə msələon iyən şiə hiloli əfsonəon ıştə təsiri dastiku doəşone ki çəy oşkoə nımunə Fələstini məsələ barədəy boçi ki Ələğsa Tufani əməliyotədə və çəy bənav, bə Fələstinıjon veyə koməkon de ərəb və ğeyri ərəbə şiəyon vositə əncom bıə.

Həzrəte Ayətullah Xamenei ijən təsdiğış kardə: icbor bıə 2 curnə məsələon vədə, tojə 2curnə msələ bə muğavimt və təslim nom bə məntəğə hakim bıə və ımruj muğaviməti cərəyon yəni Amerkə mıdoxiləon, ziyodə tələbətion və zu votey vədə, məntəğədə qıləy oşkoə cərəyone.

Ə Həzrət Fələstini məsələ həll kardey, tojə və icod bıey holədə bıə Asiya ğərbi co qılə xusiyəton zınəşe və lovəş kardə: bə İlohi tovfiği xoto Fələstini məsələ bə həll bıey səmt, yəni Fələstii həmmə sərzəminədə Fələstinıjon hukumət icod bey hərəkət kardey holədəy.

İnğilobi Yolə Rəhbər ijən de işorə bə Fələstiniro, İslomi Respublika dınyəvi, ğəbul kardənin və de sivilizasiya bə ico məntığ və paln yəni həmmə Fələstini milləti  referandom bərpo kardey ijən hamyəşe: ğərəz işğolçiyon, həmmə fələstinıjon, həm Fələstinədə sakin bıə kəson və həm hamsuyə kişvəron və urdoqohon və co qılə məntəğəonədə sakin bıə kəson bəpe karde bıznon Fələstini idorə kardeyro nəzə bıdən həlbətə kali voteydən sionist rejim ım planonku himoyə nibəkay əmmo bəpe ım irodə bə əvon icbor bıbu və ehanə ım plan və bərnomə əncom məbu ki inşaəllah əncom bəbe və ehanə muğaviməti qrupon, ıştə irodə ciddi surət təğib bıkon, ım hədəf bə vırə bərəse.

Ə həzrət ijən de işorə bə ım məsələ ki kali dınyoədə voteydən ki İron İslom Respublika jığo nəzəş doe ki Fələstini məsələ həlliro bəpe sioniston və yəhudion bə dıyo ekardə bıbu, ım nəzə duə sıxən bəyon və təkidış kardə: İslomi Respublika nəzə, hiç kəsi bə dıyo ekarde ni, bəlkəm ıme ki bəpe bə Fələstini milləti nəzə əsos, devlət icod bıbu və jığo şəxsonro həm bəpe həmonə devlət ğərol bıqəto.

Həzrəte Ayətullah Xamenei ıştə sıxənon oxoədə təsdiğış kardə: Ələğsa Tufan həmuş nibəbe və inşaəllah ım vəziyət dəvomış nibəbe.