Rəyisi de Kuba prezdenti vindemonədə: 2 qılə kişvəri zərfiyəton mıbodilə kardey karde bəzne sanksiyaon be nəticə bıko

İron İslom Respublika prezdent, de Kuba prezdenti mıştırıkı iclosədə təkidış kardə: sultə nizomi vədə, muğavimət kardey, mıştərəkə sima soybe ki 2 qılə kişvəri Amerkə sanksiyaon vədə ğərorış do. Ə çi ki karde bəzne sanksiyaon be nəticə bıko, 2 qılə kişvəri zərfiyəton mıbodilə kardeye.

İron İslom Respublika Seyd İbreym Rəyisi zənə Dışəmbə de Kuba prezdent Miqel Diyaz Kanel mıştərəkə mətbuati iclosədə, bə Tehron çəy səfə barədə votışe: 2 qılə millət və kişvəri miyono rabitəon inkişofi cəhəto ım səfə vey əhəmiyyətış heste, əv ijən votışe: muxtəlifə baxşonədə Tehron və Havana mıştərəkə nəzəşon heste.

Bə Fars aqentiyəti raporti əsos, prezdent ijən əlovəş kardə: elmi və texniki baxşonədə 2 qılə kişvər vey çokə həmkoətion soybin ki de Kuba həmkoəti peyvəndi soxtey lm muvəffəğə həmkoətion qıləy nımunəy.

Rəyisi ijən votışe: 2 qılə kişvər ijən Nano və biotexnoloqiya baxşonədə, vey çokə muvəffəğiyəton soybin ki ım zərfiyəton mıbodilə kardey, 2 qılə kişvəriro veyə muvəffəğiyəton bois bəbe.

Prezdent dəvomədə bəyonış kardə: ımruj de Kuba prezdenti səfə vositə, 2 qılə kişvəri miyono həmkoətionku tojə baxş oj bey şoydimon əv ijən əlovəş kardə: 2 qılə kişvəri miyono ciddi mıştərəkə baxşonku qıləyni, de sultə nizomi ziyod tələbion vədə muğavimət kardeye.

Rəyisi de işorə bə ım ki bə Amerkə ziyod tələbion vədə muğavimət kardey xoto, həm İron və həm Kuba Amerkə səmtiku sanksiya və təhrim bıə, əv ijən votışe: Amerkə və sultə nizom fik kardedən de sanksiya karde bəznen, millətoni ki irodə soybin sultə nizomi ziyod tələbion vədə muğavimət bıkon, əvoni ım koku vəy bıqəton.

Prezdent ijən əlovəş kardə: Fələstini millət ki pidəşone ıştə jimon və vətəniku mudafiə bıkon, de deşmonon vədə hucumədə ğəror qətəşone və sionist rejim de irğçi ruhiyə, Fələstinədə bə bəşəriyəti ələyh bə cinoyət və etosniye ko məşğulin və jen iyən hırdənon ğətliam kardedən.

Rəyisi ijən əlovəş kardə: vey təəsufinə ko ki de sionist rejimi dasti vositə əncom bəbe, ım dəhşətinə cinoyətiku Amerkə və ğərbion himoyə bə hisob omeydə.həmonə kəson ki insoniyə həxon iddio kardə kəsonin.çoknə ım cinoyətiku ki bə bəşəriyəti ələyh cinoyətr himoyə kardedən?

Kuba prezdent Miqel Diyaz Kanel həm de Rəyisi ım mətbuati iclosədə votışe: Tehron və Havana miyono rabitəon bə ehtırom və hambasteqi əsose ijən ım rabitə, 40 soriku vey kanəti soybe.