Əmirəbdullahiyan: İron həmişə Yəməni irodə və tələbiku himoyə kardedə
Tehronədə, İron İslom Respublika xarıci vəzir, de Yəməni milli nicoti devləti muzakirəkə heyəti sədr, Muhəmməd əbdulsəlam, vindemonədə təkidış kardə: İron həmişə Yəməni irodə və tələbiku himoyə kardedə.
Bə Təsnim aqentiyəti raporti əsos, İroni xarıci vəzir, Huseyn Əmirəbdullahiyan de Yəməni milli nicoti devləti muzakirəkə heyəti sədr vindemonədə Yəmənədə sulhiku İron İslom Respublika himoyə elnai bəpeşt, Yəmən və Ərəbistoni muzakirəon bə nav şey prosesiku ıştə şoəti nışo do və votışe: İron həmişə Yəməni irodə və tələbiku himoyə kardedə.
İroni xarıci vzir ijən ım vindemonədə Fələstini məzlumə millətiku himoyə kardeyədə Yəməni Ənsarullah hərəkəti zumandə inkişofonku himoyə kardedə.
əməni milli nicoti devləti muzakirəkə heyəti sədr həm ım vindemonədə muğaviməti cəhbəku İron İslom Respublika dəvominə siyosi himoyəonku təğdirış kardə və Yəmənədə sulhi oxonə təhəvvulaton barədə bə İroni xarıci vəzir kali məlumaton iroəş do.
