İroni İslomi İnğilob çı Besəti dəvəti ğəbul karde be

İroni Yolə Rəhbər İroni islomi inğilobi çı besəti dəvəti ğəbul karde zınəş be.

Peyğumbəri besəti idə rujədə İroni Yolə Rəhbər qıləy umumi vindemonədə ki de İroni yolon, koəkəyon, səfiron iyən islami kişvəronku səfiron iştiroki bərpo be votışe: İmom xomeyni dəvəti bəpeşt millət həm de xıdo lut və inoyəti dırıstı royədə hərəkət kardışone və tosə har zəmon ki bə peyğombəri dəvəti ləbbeyk dəvomış bebuinkişof və ozavziye həki fəğət mənəvi ni iyən dlnyo jimonədə həm vindey bıdə dəvomış bəbe.

Həzrət Ayətullah Xamenei bə ımrujnə dınyoədə bıə zılm və nohəxion işorəş karde və həminə vəziyətiku xilos bey bə peyğombəri dəvəti ləbbey votey sayə və Nəbəvi təlim və təzkiyə jintonədə zınəş be iyən hamiyəşe: çəmə məsuliyət nəfsi pok kardey iyən İroni idarə bə islomi əsos nışo doe heste ki həminə baxşədə muvəffəğiyətoni heste ki dınyoədə təsirış be ki əlbətə bəzi vırəonədə koon zəif be.

İroni Yolə Rəhbər, Məbəsə idi bə İron və dınyo mısılmonon təbrik votışe və əy bənə vey mıborəkə id və bəşəriyəti vey yolə hodisə bə hisobış varde və votışe: de peyğombəri Besət bəşəriyəti dınyo iyən axerəti səadət iyən komilə hərəbaxtəti plan və jimoni səbk təğdim be.

Ə Həzrət bə Ğəzzədə bıə telə hodisəon iyən sioniston cinoyəti dəvomi işorəş karde və votışe: Ğəzzə mısibət çı bəşəriyəti mısibəte və nışo doydə ki dınyoədə bıə ısətnə nəzm botile və dəvomış ni.

İroni Yolə Rəhbər təkidış karde: ımruj, Amerkə İnqilis və Avropa vey kişvəron və çəvonku təbəiyət kardəkəson dast çı sioniston xuninə cinoyətkorə daston peştədəy ki ın məsələku dərəsedəmon dınyoədə bıə ısətnə nəzm botile vəməhv bənine.

Həzrət Ayətullah Xamenei noxəşxonəon bombardımon karde iyən 30 həzonəfər çı Ğəzzə milləti ğətliami bənə ğərbi sivilizasiya və mədəniyəti rısvoçiyəti bois zınəş be və əlovəş karde: həminə cinoyəti peştədə, Amerkə pul, siloh və siyosi koməkon heste və jəğo ki sioniston ıştən elan kardən, be Amerkə sioh iyən puli, canqi dəvom imkanış ni çən Amerkə hə ın canq və telə hodisədə şərike.

İroni Yolə Rəhbər Ğəzzə behroni sə kardey dıno yolə ğudrəton bə kəno mandey iyən ğərbion həminə canqiku dast kəşey elanış kardə və votışe: Fələstini mubarizon ıştən həminə meydoni idorə kardey bəznın, jəğo ki tosə bə ısət həm de səhnə mudiriyət kardey bəvon saxtə zərbə varid bə ni.

Ə Həzrət dıvləton koy, bə sioniston məsrəfi məhsulon vığandey vəy qətey iyən bə ın rejimi siyosi, təbliği və silohinə komək nıkardey zınəş be və təkidış kardə: milləton koy ıme ki ın hədəfi bə vırə rosniyeyro dıvləton təziği jiədə ğəror bıdən.