Rəyisi:Həşi 1403-ə sor çe istehsoli ziyodəti sor bəbe

Rəyisi:Həşi 1403-ə sor çe istehsoli ziyodəti sor bəbe

Rəyisi:Həşi 1403-ə sor çe istehsoli ziyodəti sor bəbe-İron İslom Respublikə prezdenti nuyə sorış təbrik vote və çəy de mığəddəsə Rəməzonə manqi nezəti həxədə jıqoş vote:Həşi1403-ə sor çı hosiloti ziyodəti sor bəbe.bə Iran Press xəbə agentəti məlumoti əsos;İron İslom Respublikə prezdent Seyd İbreym Rəyisi de nuyə Həşi sori(1403-ə) bino bıey munosibəti televiziyadə pevolo bıə ıştə muraciyətədə,ponə sori mıxtəlifə sahəonədə bə əməl omə hodisəon aşmardə holədə voteşe:1402-ə sor de etat-petat iyən muhimmə hodisəon pur bıə qıləy sor be.Həm şin və həmən telə hodisəonış hestebe,əmmo dəvardə sori hodisəon nəticə çı İroni qırd sektoronədə de barzəti bə ico be.

Rəyisi əlovəş karde:kişfər se sore dumo yənde 4%-sə ziyodə ruşdi təcrubə kardedə və holınki 90-ə soronədə miyonə ixtisodi inkişof 1%-iku bəkam be.İron İslom Respublikə prezdent Rəyisi bəyonış kardə:1403-ə sor de xalği dastəki istehsol iyən ixtisodiyyoti həni həm vey rifoh,inflyasiyə bəkam bey və bə ironıjon hevujə xıdməton nışon doey sor bəbe.Rəyisi çı dışmeni bə İslomi İroni hucumi cəhdon işorə kardə holədə,çe milləti de məsul şəxson ibemon,rəğbət iyən həmkoətiş çe İslomi İroni dışmenon beovandəti səbəbış hisob karde və bəyonış karde:çı Xalği mıxtəlifə sahəonədə mənodorə iştirok,dışmenonış məyus kardə.İron İslom Respublikə prezdenti bə regiyonədə bə əməl omə hodisəon və bə Ğəzzə canqi həm qıləy işorəşon karde və de seonist rejimi cinoyəton məhkum kardey və fələstınıjon bə seonistə dışmeni zidd mevğeyi tarif kardə holədə voteşe:Dınyo zulmkoron bo Ğəzzə milləti məhf kardero bə seoniston vey muasirə sənqər darıştə bombəonku qətə,tosə çandə milyard dollari pul doşone ta dı milyon insoni çe miyoniku bobən,lakin əvon bəsə vardeşon nızıne.