De İslomi Peyğombəri(s) mahbubə xanımi bəfoti sorəqardışi munosibəti səbəsəlomətiı
De İslomi Peyğombəri(s) mahbubə xanımi bəfoti sorəqardışi munosibəti səbəsəlomətiı
De İslomi Peyğombəri(s) mahbubə xanımi bəfoti sorəqardışi munosibəti səbəsəlomətiı
De İslomi Peyğombəri(s) mahbubə xanımi bəfoti sorəqardışi munosibəti səbəsəlomətiı –ımruj (cımə şəvi) Hicri-Ğəməri 1445-ə sori muborəkə Rəməzonə manqi 10-ə, 2024-ə sori marti 21-nə ruji bərobəre və çe Həzrət Məhəmmədi(s) mahbubə xanım Həzrət Xədicə (s) bəfoti sorəqardışe. Ğureyşi məşhur və ərbobə jenonku bıə Həzrət Xədicə (ə) de Peyğəmbəri(s) ponzə sor çe Besəti bənav de ə həzrəti izdivocış karde.ın nəcibə xanım bə Məhəmməd Peyğəmbəri(s) risolətiş bovə kardə və deştə qırd zu və sərvəti bə İslomi koməqi səmt hərəkət kardə iminə jen be.İslomi bənav həzrət Xədicə(ə) bəştə bə təğdiri loyığ keyfiyyəton,əxloği və iffəti xısusiyyəton xoto Tahirə ləğəbış peqətəbe.Həzrət Xədicə(s) huzur iyən vucudi bo Həzrət Muhəmmədi(s) anədə və əxtə əhəmiyyətış hestebe ki,Rəsuli-Əkrəm(s) çın yolə xanımi bəfotış qıləy mısibət,Həzrət Xədicə (s) iyən çə həzrəti amu və co yolə tərəfdor bıə Həzrət Əbu Tolibi(ə.s) bəfotış ğəmi sor məno doə “Ammul-Huzn” nomış noe.Həzrət Xədicə(s) ıştə de məhəbbəti pur bıə dovnədə şəş qılə hırdənış perosne ki,çəvon miyono Həzrət Fatmə(s) bə qıləy xususi məğami malike;qıləy kinə ki,İslomi Peyğəmbəri(s) və çı dınyo şiəyon iminə imom bıə İmom Əli(ə)bədiqə bə İslomi rəhbərəti kardə şəxson çəy nəsliku bə əməl omin və ısət həm dəvomış heste.İron İslom Respublikə Radio və Televiziyə Təşkilot de Xədicə(s) bəfoti sorəqardışi munosibəti bə qırd mısılmınon və bə pokə Əhli-Beyti(ə) aşığon səbəsəlomətiı doydə.
