Ruhani:muğavimətiyə ixtisadi hədəfonku qıleni xariciyə təziğon vədə ziyan nıvindeye.

İron İslam Respublika president muğavimətiyə ixtisadi hədəfonku qıleni xariciyə təziğon vədə ziyan nıvindeş zınə.

İron İslam Respublika president Həsən Ruhani 2 şanbə ruji nizomi rəsmi şəxson iyən təşkilaton mudiron qıləy qrupi vindımonədə istihsalış ko iyən fəaliyyət həmçinin  ixtisadiyə inkişafi na məsələş zınə və votışe: bə ko iyən fəaliyyət bois bə istihsali sayədə İron kardebəzne bə islamiyə inğilabi yolə rəhbəri har 2 qılə hədəf istihsal və ko baxşədə ki hicri şəmsi 1396-ə nəzərdəş qətə bırəso.

president Ruhani əlavəş karde ironədə bə ko iyən fəaliyyət bois bə istihsaliyu hərəkət karde dini milli və inğilabiyə vəzifəy və hicri şəmsi 1396-ə soriyu devləti hədəf 700 həzo nəfərisə ve ko və fəaliyyət icod kardeye.

İron İslam Respublika həmçinin ironi atom məsələ həl kardeyu bə mıştərəkə bərnaməon işarəş karde və votışe:  atom məsələ həl kardeyu mıştərəkə bərnaməon icra kardeku ironi hədəf zılminə sanqsiyaon zənciri poə karde bı ki bə nəticə rəsə.

president Ruhani omə rujonədə ironi 2 qılə muhim və tale təin əkə vıjnımoniku işarəş karde və votışe: vıjnımon cumhuriyyət demokratiya kilid və ğanoniyə hərəkəton əsose.

İron İslam Respublika prezidenti votışe:İron bə milləti sədo iyən vıjnımoni əsosi hərəkət kardə və millət iyən məmləkəti bılandə hədəfon çı royku bə nəticə rəsedə.