Kənani: Fələstini məsələku himoyə kardeyədə, İron ıştə həmmə zərfiyətonku istifodə bəkay

İron İslom Respublikə xarici koon vəzərotxonə sıxanəvot Nasir Kənani votəşe:İron İslom Respublikə İnğılobi ğələbə sıftəku tosə ısət qırd siyosi,huğuği,beynəlxalğ və dıtərəfinə imkononku istifodə kardə holədə bə məzlumə Fələstini xalği dastək doəşe.

Kənani de İron İslom Respublikə pərçəmi şərəfi dəvordınə bıə milli tədbiri kənoədə bə Beynəlxalğə Xəbə Agentəti “İran Press”-i doə musohibədə votəşe: “Məzlumə milləton huğuğ iyən ədoləti və bəçəvon həxon dastək doey çı İron İslom Respublikə təsisəkə İmom Xomeyni(r) həmməysə idealə prinsiponku iyən çı konstitusiyə əsosonku qıləyni be”.

Əy əlovəş karde:İron çe milləton həxon kənoye iyən beynəlxalğə sistemədə de ədoləti icod kardey həmən boçəy bərğəror kardero səy kardedə və İslomi İnğilobi səbarzəti sıftəku İron ıştə siyosətədə iyən xarici rabitəonədə ın metodi təğib kardedə.