İroni prezdent dınyo mısılmınonış de Fıtrə idi damey mınosibəti təbrikış kardə.

İroni prezdent Seyd İbreym Rəyisi İslomə kişfəron rəhbəron iyən xalği de Fıtrə idi mınosibəti təbrik kardə mesajədə ​​jıqo təkidışon kardə:İslomə kişfəron seonist rejimi bə Ğəzzə hucumon de təcili tədbiron oqəteyro insoni iyən dini qıləy vəzifəşon heste.ımruj çoşanbə (22 fərvərdin 1403-ə sori) İron iyən digər İslomi kişfəronədə 1445- ə sori Şəvvalul-Mukərrəmi iminə və Fıtrə idi ruje.

Bə İran Mətbuat Xəbə Agentəti məlumoti əsos,Seyd İbreym Rəyisi zinə ıştə bə İslomə kişfəron rəhbəron iyən milləti de Fıtrə idi mınosibəti təbrik kardə mesajədə,ın idi təbrik kardə holədə,ın idış itoət iyən bandəçəti təzahur və fəziləti barzətiş hisob karde və çı Rujə qətə kəson iyən salehə bandəon mukofaton vaxtış zıne ki,əvon muborəkə Rəməzonə manqədə de dıvo və ibodəton,deştə nəfsi təmiz kardey və ozaviye ıştə vucudışon çe çırkəoviku təmiz kardə və bə komiləti iyən Xıdo ğurbi səmt qəmışon peqətə.

Seyd İbreym Rəyisi ın təbrikə mesajədə ​​dınyo mısılmınon,xususən Ğəzzə iyən Fələstini məzlum xalğiro ın muborəkə ruji damey iyən çəvon ğələbəş oruzu karde və voteşe:ımruj əmə bə Fələstini mığoviməti,xususən həm ə bıvon iyən hovon bın saaton və anonədə cəbhəonədən,dastək doydəmon.Ğəzzə tanqədə de işğal iyən cinoyəton mıborizə bardey bo mısılmınon fəğət qıləy dini vəzifə ni,bəlkəm qıləy insoni,əxloği və iyən vijdoni vəzifəy.İron İslom Respublikə prezdenti ımsornə mehtəşəmə Ğudsi ruji şemonış bə məzlumə Fələstini milləti hartərəfinə himoyə əlomətış hisob karde və Ğəzzə tanqə bombardımon iyən muhasirə bə oxo rosnero,bə çın erjinə iştirokiku bəhrə bardey bıey təkid kardeşone.