Pars Today

İroni atominə mərkəzon muhafizə və əmniyətiyə sepah fərmondə məmləkəti atominə mərkəzon komilə əmniyətiku təkidış karde və sionist rejimi təhdidi vədə reaksiyaş nışon do və votışe: İron İslam Respublika atominə doktorin iyən siyasəton əvəz be və nakonə fikronku qarde ehtımol heste.

İroni atominə mərkəzon muhafizə və əmniyətiyə sepah fərmondə  məmləkəti atominə mərkəzon komilə əmniyətiku təkidış karde və sionist rejimi təhdidi vədə reaksiyaş nışon do və votışe: İron İslam Respublika atominə doktorin iyən siyasəton əvəz be və nakonə fikronku qarde ehtımol heste.

Bə islamiyə inğilobi sepahe pasdaranı umumiyə rabitə mərkəzi xəbon əsosi qeneral mayor Əhməd Həğbin , vədeye sadeğ ya rostə vədə səbarzə əməliyati vədə sionist rejimi ehtımoliyə hərəkət bə İroni atominə təsisaton hucum barde həxədə əlovəş karde ım təhdidon bə ımruj və zinə aid ni,xəyli soron çimi bə nav ğeyre ğanoniyə sionist rejim təhdidiku əlovə İroni atominə sənaye baxşədə təxribatin və terroristiyə hərəkətonışon əncom doə.

İroni atominə mərkəzon muhafizə iyən əmniyəti sepah fərmondə votışe: hər çand bə beynəlxalğə protokolon və standardon əsosi və atom beynəlxalğə muəsisə ğanonon əsosi həmmə məmləkəton bə atominə mərkəzon hucum bardeku mən bən, jıqo qıləy şərayetədə İron İslam Respublika həmmişə əvəlico de jıqo təhdidon mubarizə bardeyu hozzı bə.

Qeneral mayor Həğtələb votışe: sionist rejim dəvardə rujonədə qıləy cinayətkarə hərəkətədə İron islam Respublika  suriyədə bıə konsol mərkəzi zid bardə hucumədə həmmə beynəlxalğə ğanononış bə lınqi ji noşe və təsəvvur bedə nıbı tojədən qıləy be foydə hərəkətədə ijən bıpiyoşe bə İroni atominə mərkəzon hucum barde təhdidi bəyon bıkə və təkidış karde de həmmə ğıvvon fərmondə tədbiri əsosi və həmmə silohinə ğıvvon cəhdi de passiv mudafiə planon iyən ve zumandə texnoloqiyaonku istifadə kardeədə iyən İroni yolə sərzəminədə atom məcmuəon və təsisaton baxş bə baxş be xoto de sionist rejimi har qılə təhdidi mubarizə bəbe.

Qeneral mayor Həğtələb təkidış karde İron İslam Respublika silohinə ğıvvə komil hozzı vəziyətdə hestin və əlovəş karde sionistiyə deşmeni atom mərkəzonku komilə məlumatımon heste və həmmə hədəfonku lozim bə xəbəron hestin və bə ehtımoliyə hərəkəton cəvob doeyu  məlum kardə hədəfon nabod kardeyu zumandə rəketon ğandeyu hozzı hestimon.

Qeneral mayor Həğtələb təkidış karde əqər sionist rejim bıpiyoşe bə İroni atom təsisaton zid qıləy hərəkət əncom bıdə hətmi və de ğətiyəti de İron İslam Respublika reaksiya dim bə dim bəbe və əvəz beşə cəvobiyu de zumandə silahon, ım rejimi atominə mərkəzon de hucum və əməliyat dim bə dim bəkamon.

Qeneral mayor Həğtələb əlovəş karde əqər ğeyre ğanoniyə sionist rejim bıpiyoşe İroni atom mərkəzon de hucum dim bə dim  karde təhdido bənə qıləy ro islamiyə Respublika təziği jiyo ğəror doeyu istifadə bıkə, İroni atominə doktorin və siyasəti əvəz karde və nakonə siyasətonku qarde ehtımol heste.

İroni atominə mərkəzon muhafizə iyən əmniyəti sepah fərmondə əlovəş karde əqər sionist rejim bə İroni zid qıləy təcavuzkarə hərəkət əncom bıdə çı curə cəvob doe de İron İslam Respublika silahinə ğıvvə tədbiri bəbe və əvon yəğinışon bıbo ə zərbə ki silohinə ğıvvon tərəfo bəinden  bənə  vədeye sadeğ ya rostə vədə  tarixədə bə yadıqar bəmande.