Rostə Və`də

Rostə Və`də

Sadığ iyən Rostə Və`də əməliyyoti zəminədə muhimmə nuktə çoko ki,sərdor Səlomi həm bəy işorəş  karde,çe amerkə,britaniyə iyən fransə de məntəğə kali kişfəron bə ico,bo de İroni ğandə dron iyən ballestik və kruzə rəketon mıborizə bardeyro bə sehyonist rejimi hevujə koməq kardey be.qıləy amerkəvıjə mənbə etırofış kardə ki,10 kişfər bə sehyonist rejimi bo İde roni ğandə dron iyən ballestik və kruzə rəketon mıborizə bardeyro koməqışon kardə.Valstrit rujnomə bın barədə nıvıştəşe ki,amerkə bə sehyonist rejimi səmt hərəkət kardə çandə qılə drononış jıəşe,eğandəşe.

Rosyters xəbə aqentəti iddioş kardə ki,amerkə hərbi təyyorəon çe İroni vığandə çandə qılə bepilotə təyyorəon Suriyə cənubədə bıə Əssuveyda iyən Dəra ostanonədə və çı iordaniyə marzi nezi eğandəşe.sehyonist rejimi 12-ə kanal həm çımi bənav çe amerkə iyən britaniyə hərbi təyyorəon Suriyə iyən iordaniyə həvo peyo çe İroni vığandə çandə qılə dronon eğandeyku xəbəş doəbe.co tərəfiku sehyonist rejimi 12-ə kanali iddioş kardə iordaniyə,İƏƏ iyən səudiyyə ərəbıston həm çe İroni de dron iyən təyyorəon vositə bə sehyonist rejimi həmlə vəy qətey koyədə qıləy dıjdə rolışon ifo kardə.harçənd ki,Ələrəbiyyə kanal ın iddio yəni səudiyyə ərəbıstoni bın koyədə bıə iştirokış bə məlumotinə mənbəon əsos rəddış karde.ın informasiyə vositə həmçinin bə fransə prezdent emmanuel makroni votey əsos elonış kardə ki,çe fransə çandə qıləhərbi təyyoəron çe iordaniyə hərbi bazəonku və çı iordaniyə koməq tələb kardey bədiqə bə həvo rost bıən.iordaniyə xarici koon vəziri rəsmən elon və təsdığış kardə ki,çəy kişfəri bo de İroni tərəfiku vığandə dron iyən ballestik və kruzə rəketon mıborizə bardeyro bə sehyonist rejimi hevujə koməqış kardə və bın koyədə qıləy barzə rolış ifo kardə.