Dınyo vey bəpeə varzışkaron cəmədə İroni ğəhrəmanon huzur.

Bə Martə manqi tojə reytinqi əsos İroni ozod dəçıke milli kamanda uzvonku 4 qılə varzışkor Mustəfə Husinxani, Həsən Yazdani, Həsən Rəhimi və Kumeil Ğasımi de tərtibi 70, 86, 57, 125 vəznonədə çı dınyo vey bəpeə dəçıke varzışkaron cəmədə ğərorışon qətə.

İjən xəbə omə ki Tailandədə de nocıvonə ştanqistə varzışkaron milli çampiyonati bino bey həmzəman İroni məşhurə ştanqist Kiyanuş Rostəmi ıştə məxsusə baxşe və hədyəə qətşe.

İroni ğəhrəman Kiyanuş Rostəmi muvəffəğ bıə ki dəvardə sorədə dınyoədə bənə vey çokə ştanqist intixob bıbu.

İronıjə ştanqist dəvardə sorədə ijən Braziliya Riyo şəhri Oləmpiyaədə dınyo rekordi əvəz karde bəpeştə ğəhrəman bıbu.

Çımiku bə nav 2012 minə sorədə həm İroniku co qılə ştanqist Behdad Səlimi həm dınyoədə bənə vey çokə ştanqist vıjniye bıə be.