İroni Prezdent:İron iyən Pokıstoni rəhbəron irodə dıtərəfinə həmkoəti hevuj kardeye
İroni Prezdent:İron iyən Pokıstoni rəhbəron irodə dıtərəfinə həmkoəti hevuj kardeye
İroni Prezdent:İron iyən Pokıstoni rəhbəron irodə dıtərəfinə həmkoəti hevuj kardeye
İroni Prezdent:İron iyən Pokıstoni rəhbəron irodə dıtərəfinə həmkoəti hevuj kardeye.İron İslom Respublikə prezdenti bəyon kardəşe ki,İron iyən Pokıstoni rəhbəron həmkoəti hevuj kardeye irodə çe bəzi kişfəron bə Tehron iyən İslomobodi miyono dustiyəti mınosibəton xələl rosney cəhdonış befoydə kardəşe.bə Tele-Rədyo xəbə agentəti məlumoti əsos,İron İslom Respublikə prezdent Seyd İbreym Rəyisi bə Pokıstoni bıə səfə dıminə ruji de Pəncab əyoləti vəzir xanım Məryəm Nəvaz Şərifi vindemon kardəşe və votəşe:dıqlə məmləkəti rabitəon çe İslomi İnğılobi səbarzəti bədiqə dayimə inkişof kardəşe vəbarz bıə və çı dıtərəfinə əloğəon hevuj kardey royədə hiç qıləy maneə ni.
İron İslom Respublikə prezdent İroni nımoyəndə heyəti bə Lahori səfə məğsəd bə İğbal Lahori ehtırom nışon doey iyən çe dıqlə kişfəri miyono mədəni rabitəon zumand kardeyış bəyon karde və əlovəş karde:Lahor çı Pokıstoni mədəni simvol hisob beydə. Xanım Məryəm Nəvaz Şərif həmçinin İron İslom Respublikə Prezdenti və çəy rəhbərəti kardə nımoyəndə heyəti bə Pəncab əyoləti səfə iyən çe mərhum İğbal Lahori məzari ziyorət kardey, həmçinin bə çın şəhri bənə Cənubi Asiyə həmməysə ğədimə ali məktəb bıə “GSU” Universiteti osə ğandeyış barz qəte.
