İroni Tırkiyədə bıə səfiri bə əmniyyəti muhafizədə silohinə ğıvvon roli təkidış kardə
İroni Tırkiyədə bıə səfir çe dıqlə kişfəri sərhədon dustiyəti,sulh iyən iqxtisodi,mədəni və siyosi həmkoəti marzış hisob kardə və əmniyyət,sabitəti muhafizə və reqiyonal sulhi bərğəror beyədə bə silohinə ğıvvon həyoti roliş təkid kardə
İroni Tırkiyədə bıə səfiri bə əmniyyəti muhafizədə silohinə ğıvvon roli təkidış kardə-İroni Tırkiyədə bıə səfir çe dıqlə kişfəri sərhədon dustiyəti,sulh iyən iqxtisodi,mədəni və siyosi həmkoəti marzış hisob kardə və əmniyyət,sabitəti muhafizə və reqiyonal sulhi bərğəror beyədə bə silohinə ğıvvon həyoti roliş təkid kardə.bə İRNA məlumoti əsos,İroni Tırkiyədə bıə səfir Məhəmməd Həsən Həbibullahzodə de İron İslom Respublikə Ləşkəri Ruji mınosibəti dəvordınə bıə mərosimədə çe məmləkəti mıdofiyə,ozodəti,suverenəti iyən ərazi təmomiyyəti royədə ıştə conon fədo kardə şəhidon xotirəş de ehtıromi yodış karde və bəyonış karde ki,zumandə silohinə ğıvon bo qıləy millət iyən kişfəri baği mandero bıə şərtonkuye.Həbibullahzodə həmçinin çı seonist qenosidəkə rejimi Ğəzzə tanqədə bıə cinoyəton və berəhmə hucumon işorə kardə holədə, seonist rejimi bə İroni Dəməşğədə bıə konsuləti şebə zidd kardə terrorə aktış,beynəlxalğə huğuğon,İMT Nizomnomə,nımoyəndəon,diplomatik və konsuləti məkonon əmonədə bey həmmə kəsi tərəfiku ğəbul bıə fundamental prinsipon oşkoə şikilədə darışteyış hisob karde.
