Pars Today

İslomiyə İnğilobi Yolə Rəhbər votışone: İroni yolə millət ziyodə tələbi iyən zutətbiğ kardey vədə təslim nibəben və sanqsiyaon bə fırsət təbdil kardeyədə bə çokə omə rujon dast pəydo bəkan

Bə Yolə Rəhbəri ofisi məlomat ərosnə mərkəzi raporti əsos İslomiyə İnğilobi Rəhbər ımruj de çandə həzo fəhləon vindemonədə, bə İron təzyiğ və sanqsiyaku ğərb və Amerkə həğiğiyə hədəfış təslim və İslomiyə nizomi və milləti məhzə təbəyiət kardey zınişone və təkidışon karde ki, İron və İslomiyə Respublikə yol və rişəin bıə millət bo ziyodə tələbi iyən zutətbiğ kardey vədə təslim nibəben və sanqsiyaon bə fırsət təbdil kardeyədə bə çokə omə rujon dast pəydo bəkan.

Həzrəte Ayətullah Xamenei ko və ko icodəkəş bo İroni milləti dışmenon məcboriyə ixtisodiyə canqi 1 minə xətdə de bə iyandı ayidin zınişone və əlovəşon karde de Amerkə ın dıqlə muhimmə unsor  har çəxtə cəhd bıkən və harçəxtə bo cəhdiyo boəvon şərayet icod bıbo, bə millət və kişvər vəyə tofiğon aid bəbe.

Həzrəte Ayətullah Xamenei kişvəri ixtisodi vəziyəti çok kardey və istehsoli vaştemonədə fəhlə camyiə kilidiyə roli bəyon kardey, bo nəcib və ğənoət kardə milləti prublemon həl kardeyo məsulon vəzifəon bəyon kardey votışone: flhləon holi çok bıey milləti holi həm çok bəkay.

İslomiyə İnğilobi Yolə Rəhbər ıştə sıxənon co baxşədə bə Amerkə və Avropə vote əsos sanqsiyaon diğğət nıdoey ixtısodiyə məsələonku sıxan kardeşon mımkin nıznişone və votışone: bə İroni ələyh sanqsiya noey hədəfi barədə ğərbion de atom siloh, insonə həxon və terrorizmiku himoyə kardey elon kardən.

Və Ğərbion doə vavonəon barədə bə Ğəzzə işorəşon karde və əlovəşon karde ki, çəvon nəzəku ğəzzə millət terroristin əmmo seonist berəhm və pesoxtə iyən xəbisə devlət ki, 6 manqi mıddətdə bə 40 həzo nəfəri nez mencomlə çandə həzo hırdanış ğətleamış karde terrorist ni.

İslomiyə İnğilobi Yolə rəhbər sanqsiyaku bə Amerkəvıjon əsliyə hədəfi təkid kardey yəni ixtisodi və siyosi mevzuədə məhzə surətədə təslim bıey barədə votışone: əvon pidəşone İroni sərvət abro və siyosəton bənə kali kişvəron Amerkə dastə bıbo əmmo İslomiyə nizom və İslomiyə ğeyrət və İroni rişəin və yolə millət imkonış niki, zutətbiğ kardey vədə təslim bıbon.

Həzrəte Ayətullah Xamenei siloh nəzəku inkişof kardey sanqsiyaon bə fırsət təbdil kardeyku qıləy nımonə zınişon və əlovəşon karde: ın inkişof ki, ivırədə ıştəş nışon do, həmmə dışmenonış heyrəti karde ki, İslomiyə İron çıcorə zıniyəşe sanqsiya şərayetdə əxtə inkişof kardə siloh istehsol bıkə.

Dəvomədə Həzrəte Ayətullah Xamenei Fələstinıjonku himoyədə milləton mitinqon və şemonon və Amerkə və Avropə xiyabanonədə Hizbullah və Fələlstini poydəğon ehaştey işorə kardey, de terrorizmiku himoyə kardeyo İroni mıtəhəm kardey de Ğəzzə millətiku himoyə vavonə bə mıtəhm kardə kəson rısvoçiyəti zinişone və əlovəşo karde ki, bo Fələstiniku ısət nə inki, İroni millət bəlkəm həmmə milləton himoyə kardən.