İslomi İnğılobi Yolə Rəhbər:Ğəzzə məsələ çı dınyo iminə probleme

İslomi İnğılobi Yolə Rəhbər:Ğəzzə məsələ çı dınyo iminə probleme

İslomi İnğılobi Yolə Rəhbər:Ğəzzə məsələ çı dınyo iminə probleme-İslomi İnğılobi Ali Məğaminə Rəhbər Ğəzzə məsələ çı dınyo iminə problemi hisob kardedə.bə Tele-Rədyo xəbə agentəti doə məlumoti əsos,İslomi İnğılobi Ali Məğaminə Rəhbər Həzrət Ayətullah Xameneyi ımruj (çoşanbə ruji)maştəvoni de şəhid Mırtəzo Mutəhhəri şəhodəti sorəqardışi və Mellimon Ruji mınosibəti de çandə həzo mellim iyən təhsilə koəvonon didoədə votəşe:

Ğəzzə məsələ çı dınyo iminə probleme;sehyoniston və çəvon amerikəvıj iyən avropəvıjə həvodoron Ğəzzə məsələ çı dınyo iştimoyi rəyi rujonəku bekardey əzınin.Ayətullah Xameneyi çı Amerkə Ğəzzə məsələdə bıə rəftorış çı Amerkə beetıbo bey təsdığış hisob karde və əlovəş karde ki,bə Amerkə iyən Avropə universiteton odyəsən.bəpe bə sehyonistə rejimi təzyiğon rujbəruj ziyod bıbu.İslomi İnğılobi Ali Məğaminə Rəhbəri voteşe:

Nəzəkənən,amerkəvıjon iyən bəvon ayid təşkiloton de bə sehyonist rejimi zidd zıvonə mıxolifəti kom mıomilə əmcom doydən və deəvon kom rəftor beydə.Amerkəvıjə tələbəon nə qıləy vırəşon xərob karde və nə qıləy xərobəkə şuorışon doe.nə ikəsışon kışte və nə bə qıləy vırə otəşışon je.nə qıləy şişəşon arışte.ın cur deəvon rəftor beydə.Ayətullah Xameneyi əlovəşon karde:çı Amerkəvıjon ın rəftor həmən çı İslomə Respublikə bə Amerkə ələyh bədbinətiyədə bıə mevğeyi sərostətiş nışon doe;Yəni ım,əslədə çoko ki,bə şımə votə “Amerkə bımardo” dastəqi təbdil be və ım çı Amerkə bə cinaoyəti şərik beyış bo həmmə kəson məlum kardeşe.

İslomi İnğılobi Ali Məğaminə Rəhbəri bəyonışon karde ki,insonon əmələdə mışohidə kardə çi, çı Amerkə Ğəzzə tanqədə de seonist rejimi bın dıjdə cinoyətədə,bın əfv nıbə qınoədə şərikəti və həmdastəti nışon doydə.İnson bə jıqo qıləy sistemi,bə jıqo qıləy rejimi çoko xoşbin iyən çokonə optimist bey bəzıne? Çokonə mumkine? Ya bəçəy sıxanon etımod bıko?.