Nəhcul-Bəlağə pand iyən hikməton

Nəhcul-Bəlağə pand iyən hikməton

Qıləy odəm məcbure de cokəson qıləy unsiyyət bıbasto və deəvon qıləy rabitəş bıbu.əmmo bəçəy bəştə dustonku qıləy təsiri ğəbuli xoto,noçore əv bəpe bıvıjno.həmonə dust iyən həmnışin ki,ıştən har ruj nuyə duston bə insoni jimoni daxil kardedə,çokə əxloğ iyən ləyoğətinə rəftore.çokə əxloğ insoni məğbuliyyəti çe duston,oşnoon iyən hətto çe dışmenon miyono ziyod bəkarde.əve hamyedə:”vəla ğərinə kəhusnil-xulği:bənə xoşə əxloği hiç qıləy(çokə)dust mevcud ni”….

İlahi rəhbəron həmməysə barzə iyən reçinə risolət və missiyə,ıştə tərəfdoron həxə ro iyən məsirədə səbəro kardeye ki,ım peşonə səbarzətiyon bə ərməğon vardedə.zira bə har qıləy Xıdopəsənd iyən xeyə koy daxil bıey şərt,İlahi tovfiğ iyən ovandəti bə dast vardeye.Məcidə-Ğıronədə həm çe həzrəte Şueybi(ə) zıvoniku handedəmon ki,votedə:”və ma tovfiği illa…çımı tovfiğ fəğət Xıdokuye,bəy təvəkkul kardedəm iyən bəçəy səmt obəqardem”.

Insoni qıləy ovandəti bə dast vardey və ya nıvardeyədə mıxtəlifə amilon rolışon heste.qıləy inson çanədə Xıdo royədə qəm şodo,bə Xıdo bandəon xıdmətko iyən bo həmməkəson xeyrxah bıbu,Xıdovənd həm çəy xeyə koonədə bıə tovfiği ziyod bəkarde və çımi əks,qınon,məasiyon və bə fərdon kardə zılm iyən sıtəm iyən bə valideyn,ustod iyən duston həxon rioyət nıkardey,insoniku ovandəti seydə.binobərin İmom Əli(ə) hamyedə:”vəla ğayidə kəttəvfiğ-bənə tovfiğ iyən ovandəti hiç qıləy rəhbər ni”.

Har qıləy inson ıştə əndozə iyən mığdorədə çe ağli nemətiku qıləy bəhrə bardedə.qıləy zəmon ki, mıxtəlifə insonon ağlon bahəm cəm beydən,vey zumand əməl kardedən.roon ruşin iyən maneyəon bərtərəf beydə və çın royku bo har qıləy fərdi qıləy əhəmiyyətinə dastək hosil beydə.boçımi əsos Ğıronədə çe mumini barzə slfətonku qıləyni məşvərəte.joqo ki,pəyğombər(s) şəxsən həm bə de muminon məşvərət kardey əmr kardey bıə.Əmirəl-Muminin Əli(ə) hamyedə:”vəla muzahərə… hiç qıləy elm bəsə məşvərətisə vey xotrıcəmə dastək nibəbe”…..