Bə İroni yolə şayir, Firdovsi ehtırom noey ruj.

Mayə manqi 14(ordibeheştə manqi 25) İroni təğvimədə yolə şair həkim Əbulğasım Ferdosi iyən farsi zıvon və ədəbiyoti ruj ğeyd bıə.

İroni yolə şair həkim Əbulğasım Ferdosi hicri ğəməri 329 minnə sori İroni şimal şərğ Tus şəhrədə bə dınyo omə.

Həkim Ferdosi ıştə 80 sorə umrədə İroni sərzəmini milliyə şəxsiyəton barz və bəji kardey xoto vey cəhdış kardə və ım meydonədə bıə cəhdon iyən votə şeron yolə şedevrə yəni Şahnamə kitobi xəlğ bey bois bə.

Ferdosi Şahnamə bə 50 həzo beyt nezi şerış heste.

Im kitobədə, Milli və tarixi dastanon iyən ğədimə podşoon və İroni yolə pəhləvonon həxədəy ki çəvon pəhləvonəti de səbarzəti, merdiyəti və nıtarsəti iyən dindarəti bəyon kardə bəy.

Har sor dınyo iyən İronədə ədəbi muxtəlifə icloson və onemononədə Farsi tərəfdoron səmtiku ım Farsi zıvonə şairi yolqəteyro muxtəlifə mərosimon bərpo bıdə.