Hırdənon iyən Virtual aləm

Hırdənon iyən Virtual aləm

Ehyanə bıpyimone bo hırdənon iyən nevcıvonon çe mobil telefon,təblet iyən kulliyə formədə çe internet və  kiberməkoni ziyonon xusəsədə sıxan bıvotəmon,ın zərəlon seqlə qrupədə yəni cismi,rufi iyən iştimoyi ziyonon kateqoriyədə təğsım kardey bəzınemon.

Çın bərnomə İminə ğısmətədə çe mobil telefon iyən planşet(təbleti)bə cismi iyən fiziki ziyonon işorə kardedəmon ki,çəy bənə çəşi vindey zəyifəti,əsəbi muşkiloton buruz pəydo kardey,çe hani keyfiyyəti saru omey və sayirə ziyononış heste.

De ekran iyən nımoyişi səhfə istifodə rabitədə çəşon çe bədəni uzvonku sərost iyən bilavasitə bıə uzve.bə Avropə alimony bərrəsi iyən təhğiğoton əsos,de planşet ya təbleti ziyodə ko kardey bə hırdənon çəşon ziyodə həddədə ziyon rosneydə və bə hırdənon əsəbi iyən vindemoni sistemi ziyodə hədədə sərəl rosney bəzıne.

Bo hırdənon nəzədə qətə bıə hənəkonku ğafil mandey iyən behərəkətəti de cımbəcuşəti bə ico, bəvonədə bə əsəbi problemon buruz pəydo kardey həm səbəb beydə.de kompyuter,təblet iyən mobil telefoni veyə həddədə ko kardey iyən de nuri mənbəon həddiku ziyodə dimbədim omey həm bə ın muşkiloton buruz pəydo kardey boyis beydə.həmçinin inqilisə mıtəxəssison bovəşon heste ki,hırdənon iyən yolonədə mazqi pandom çe elektron cihozon iyən vəsiləonku ziyodə həddədə oko doeyku hosil beydə və çun ki,çe iminə məruz mandey iyən mazqi pandomi diaqnozi miyono nuyə miyonə təxir,çandə da soron bıbu və hırdənonədə icod bıə pandomon mumkine tosə çəvon yol bey təyin kardey nıbu.

Mobil telefon,ləbtab (noutbukon (iyən planşetiku ziyodə həddədə oko doey coqlə bevəcə təsironku qıləyni,çe fərdon hani keyfiyyəti bəştə təsiri ji dənoeye.çandə kərə əncom doə bıə mıtolioyəon nışon doydə ki,çe hani bənav sosyal şəbəkəonku iyən bənə mobil telefon,ləbtab (noutbukon (iyən planşetiku ziyodə həddədə istifodə kardey de hırdənon iyən nevcıvonon hani keyfiyyəti saru omey qıləy mənodorə irtibotış heste.qıləy zəmon ki,fərdon ıştə smartfonə mobil telefoniyən ləbtab (noutbukon) qıləy toykiyədə vırədə oqəteydən kavuə ruşnə kırtə ləpə dırozi bə melatonini sərbəst iyən ozodə ifrozi səbəb beydə və çəy bədiqə çe hani proses həm vey saxt və çətin beydə.