İlahiyə vədə sionist rejimi məhv beyu bə nəticə bərəse.

İslami inğilabi yolə rəhbəri Həzrət ayətullah Xamenei de həmas hərəkati siyasiyə dəftərxonə rəis İsmail Həniyə və dəy həmro bıə heyəti vindımonədə təkidış karde ilahiyə vədə sionist rejimi məhv beyu bə nəticə bərəse.

Bə yolə rəhbəri dəftərxonə məlumat ərosnə mərkəzi elani əsosi islamiyə inğilobi yolə rəhbəri Həzrət Ayətullah Xamenei zinə zuhriku nav ım vindımonədə Xıdo 2 qılə vədə bə nəticə rəse həxədə kərimə ğıroni ayəonku bə Həzrət Musa(ə) aid işarəş karde və votışe: ısət həm Xıdo 1 minnə vədə Fələstinı milləti həxədə bə nəticə rəsə və əv Ğəzzə milləti ğələbəy ki qıləy qədə qrup hestin və yolə qrupi vədə iyən Amerkə, nato, inqiltərə və coqlə məmləkəton vədə mandən.

 Bə həminə məsələ əsosi 2 minnə vədə yəni sionist rejimi məhv be həm bə nəticə bərəse və de Xıdo lutfi ə ruj ki Fələstin bhriku tosə nəhr təşkil bıbo bərəse.

Həzrət ayətullah Xamenei bə Ğəzzə milləti zumandə mığavimət işarəş karde ki bə dınyo təəccub bois bə və votışe: çı kəsi bəvo kardə be ki ruji Amerkə ali məktəbonədə bə Fələstinı nəf şoar bıdən və Fələstinı pərçəm əyo rost bıbo və çı kəs bovə kardə be ki ruji Yaponiyaədə fələstiniku mudafiə kardeyu təşkil bə aksiyaədə de forsi zıvoni bımardo israilı sədo rost bıbo.

Yolə rəhbəri təkidış karde bə vəy omə rojonədə mumkine Fələstinı macraədə bəzi hadisəon təşkil bıbon ki ımruj  bovə kardənin ni.

İslamiyə inğilobi yolə rəhbəri votışe: Muhəmməd Muxbir ki bə əsosə ğanoni bərobəri İroni icraiyə koon məsuliyətış bə qi qətə Fələstinı həxədə bə rəhmət şə prezdenti siyasəton və cəhəton de həmonə niyyət və rohiyə dəvom bədoy.

Həzrət Ayətullah Xamenei ım vindımonədə Fələstinı millət xususi Ğəzzə şəhrvandon tərəfo de sed İbrahim Rəyisi bə şəhodət rəse xoto ıştə norohəti elan kardeyu təşəkkurış karde və çəy vədə Həniyyə fərzəndon şəhodətış təbrik və təsliyətış vote və həması siyasiyə dəftərxonə rəisi səbriku tərif iyən təmcidış karde.

Fələstinı islamiyə mığavimət hərəkati siyasiyə dəftərxonə rəis İsmail Həniyə və dəy həmro bə heyət ım vindımonədə ıştə təsliyətışon bə Həzrət Ayətullah Xamenei və İroni millət iyən devləti elanışon kardə.

İsmail Həniyyə İroni millət və devləti dəvomış bıə himoyəonku ğədrdanətiş karde və şəhid Rəyisiş Fələstin və mığavimətı tərəfdor iyən koməkçiş zınə və votışe: İroni bə rəhmət şə xarici koon vəzir Huseyn Əmir Əbdullahiyan həmmə meydonon və beynəlxalğə təşkilatonədə həmmişə Fələstin və mığavimətiku mudafiə kardə be və az çandə kərə bəy votəm be  şımə mığaviməti xarici koon vəzir hestin.

Həmas siyasiyə dəftərxonə rəis Ğəzzə meydoni oxonə şərayetiku xəbəş do və təkidış karde ımruj mığavimətı cəhbə məntəğədə və mığavimətı ğıvvon fələstinədə həmməysə çokə holətədən və deşmenə sionist ıştə ve bevəcə holətədəy və ım Xıdo lutfe.