İroni ğədrşınosə mərdumi sədoğəti əzəmət
İroni ğədrşınosə mərdumi sədoğəti əzəmət
İroni mərdumi ıştə şəhidə prezdenti təşyi iyən vido mərosimədə bıə ğəhrəmonəti iyən mislış nıbə iştirok, inev ğədrdonəti iyən çe şəhid doktor Rəyisi funksiyə nığılə təsir noey nışon doydə.harçənd Rəyisi hiçvaxti çe təğdır iyən təşəkkuri dumo nıbe.Əv,bın bovədə be ki,aləm çe Xıdo məhzəre,Xıdovənd vindedə iyən əmə deştə qırd vucudi bo İlahi roziyətiro hərəkət kardedəmon.
16 həzoynə çopo iyən taxtış bıə noxəşxonə ojbemon,bə 5 həzo di ov rosney cəhdon,çe kişfəri 18 milyard dollarisə ziyodə blok kardə bıə resursonku ozod kardey,11 qıləy elmi-təhğiğoti peyki bə orbit vığandey,kədor iyən divijə jenon bimə kardey,da sori mıddətədə sıfri həddədə bıə ixtisodi inkişofi bə 4 fayizisə bəpe rosney,bo hırdənonro koxlear implanti məcconi kardey,10 həzosə ziyodə karxonə iyən hırd və dıjdə istehsoli emolotxonəon bəyji kardey,besonəti iyən əlocış saxt bıə noxəşətiyon 90 fayiz bimə kardey,7 sinniku bə ji hırdənon mıolicə həvoy bıey,bo iminə kərə devlətə şirkəton iyən bankon moliyyə hesobaton şəffofəti,bə BRİKS iyən Şanxay həmkoəti təşkiloti umuj qıniye çe onıqıniyə Şəhid Seyd İbreym Rəyisi se sori dırozi kardə koonku iqlə baxş bə hisob omeydə.
Həyğətədə,İroni millət qıləy prezdentışon çe dasto doe ki,cihodi şikilədə ko kardedəbe.rəyisətiş nıkarde iyən çe mizi peştono nınışte.hətto tətilə rujon həm ko kardedəbe və jıqo hisob kardedəbe ki,tətilə rujon bo mərdumiye,nəyinki,bo devləti heyəti.harco ovəyz omeydəbe və ya buməlarzə bə əməl omeydəbe iyən milləti de muşkiloton dimbədim kardedəbe,əyo huzur və iştirokış hestebe.bə məmləkəti həmməysə diyəroə noxtəon səfə kardedəbe iyən dimbədim de mərdumi sıxan votədəbe.kişfərədə vey dıjdə əvəzon bə əməl omey,çe şəhid Ayətullah Rəyisi vucudədə bıə irodə nəticə be ki,əmə bəy şoyd bimon.vı ın həmmə çiyon əvış mahbub iyən piyəninə şəxsış karde.Əv,çı Xıdovəndi ın sıxani misdoğ iyən nımunə be ki,joqo hamyəşe:”innəlləzinə…. Rəhmonə-Xıdo imon vardə iyən salehə əməlon əncom doə kəson bo həmmə kəson mahbub kardedə”….
