Nəhcul-Bəlağə pand iyən hikməton

Nəhcul-Bəlağə pand iyən hikməton

İmom Əli(ə) hamyedə:”İza istəvləs-səlah ələzzəman…havaxti səloh iyən dırısti bə zəmonə iyən bəçəy milləti ələyh be və peso ikəs bə cokəsi ki,çəyku qıləy qıno oşko bıəni,bədqımon be,bəyış sıtəm kardə və havaxti fəsod bə zəmonə iyən bəçəy mərdumi ələyh be və peso ikəsi bə cokəsi xoşqımon be,ışənış bə dast dənoə”.

Bə dini təlimon əsos de coqlə insonon mıomilə iyən çəvon de Xıdo rabitə bəpe bə xoşbinəti iyən husni-zənni əsos bıbu və bə Xıdo bədqımonəti iyən suyi-zənniku pərhizko.çıro ki,Hucurati mıborəkə surə 12-ə şərifə ayədə hamyedə:”ya əyyuhəlləzinə…..ha imon vardə kəson ha!ziyodə qımononku pərhizkənən.boçi ki,bəzi zənnon qınoye”….

İslom sodə qıləy nəzədə xoşqımonəti ğəbul kardedəni iyən bə dışmeni nisbətədə bıə xoşbinəti iyən nikbinəti həm,çe səfiyəti iyən beməxəti barziə nımunəonku hisob kardedə.dini təlimon husni-zənni bə vıronədə sıfarış kardedə ki,bo bədqımonəti həni hiç qıləy oşkoə dəlil nımando.həlbəttə,ım bın mənoədə ni ki,inson ıştə suyi-zənni bə şəxson oşkoko və əvoni mıttəhəmko.bəlkəm məğsəd ıme ki,mənfiyə əksul-əməl ki,bə mumini ihonəti və təhğıri səsəb beydə,zohir bıko,əmələdə həm ehtiyoti çe dasto nıdo.liza Əmirəl-Muminin Əli(ə) Nəhcul-Bəlağə 114-ə hikmətədə jıqo hamyedə:”İza istəvləs-səlah ələzzəman…havaxti səloh iyən dırısti bə zəmonə iyən bəçəy milləti ələyh be və peso ikəs bə cokəsi ki,çəyku qıləy qıno oşko bıəni,bədqımon be,bəyış sıtəm kardə və havaxti fəsod bə zəmonə iyən bəçəy mərdumi ələyh və zidd be və peşo ikəsi bə cokəsi xoşqımon be,ıştənış bə dast dənoə”.